|
Jizzax-2024 M. N. EshonqulovaBog'liq Monografiya - Eshonqulova 2SO‘Z BOSHI
O‘zbekistonda juda boy va ko‘hna madaniy va ma’rifiy meroslarga ega.
Ushbu meros G‘arb falsafasini shakllanishida, buyuk olimlarni va allomalarni
muvaffaqiyat qozonishlarida munosib o‘rin egallagan. Bundan tashqari
respublikamiz “Buyuk ipak yo‘li” asosiy tomirida joylashganligi va yirik savdo
markazlariga ega bo‘lganligi sababli xalqaro iqtisodiy munosabatlarni rivojlanishida
alohida ahamiyat kasb etgan. Vatanimizda ilk ilmlarini shakllantirgan buyuk
allomalarning hozirda ham ahamiyatli kashfiyotlari va ilmiy yutuqlari jahon fanlari
taraqqiyotida munosib o‘rin egallagan. G‘arbda Alfraganus nomi bilan tanilgan
Ahmad Farg‘oniyning Nil daryosining sathini o‘lchash uchun mo‘ljallangan
“Miqyosi Nil” qurilmasi, mashhur Ulug‘bekning oddiy va sodda o‘lchash asboblari
bilan o‘ta yuqori aniqlikda tuzilgan “YUlduzlar jadvali”, ensiklopedist olim
Beruniyning moddalar tarkibini aniqlash borasidagi o‘lkan yutuqlari va hokazolar
(sanab tugatishimiz mushkul) shular jumlasidandir.
Ma’lumki, respublikamizda tub iqtisodiy islohotlar orqali bozor
munosabatlarini shakllantirishga kirishishda eng avvalo, uning strategik maqsadlari
belgilanib olindi. Bu maqsadlar ichida “raqobatbardosh mahsulotlarni ishlab
chiqarishni ta’minlash” alohida ta’kidlab o‘tilgan. Iqtisodiy islohotlarning ustivor
sanalgan yo‘nalishlarida ham quyidagilarni ko‘rishimiz mumkin:
•
ilg‘or texnologiyalarni joriy qilish orqali tayyor eksportbob mahsulotlar
ishlab chiqarishni kengaytirish;
•
aholini yuqori sifatli oziq-ovqat mahsulotlari bilan ta’minlash;
•
mamlakatning eksport quvvatidan to‘la-to‘kis foydalanish, uni jadallik
bilan rivojlantirish.
Bu borada respublikamizda qisqa muddat ichida o‘lkan ishlar amalga oshirildi
va natijada O‘zbekistonga faqat xom ashyo zonasi sifatida qarashlarga barham
berildi.
Hozirgi kunda har bir mutaxassis o‘z faoliyat sohasidagi sifat ko‘rsatkichlarni
va ularni o‘lchash usullarini, o‘lchash vositalarini, ularning texnikaviy tavsiflarini
4
bilishlari zarur. Bundan tashqari texnika yo‘nalishidagi mutaxassislar o‘lchanadigan
va baholanadigan kattaliklarni nazorat qilish vositalari hamda ularni ishlatish bilan
bog‘liq bo‘lgan masalalarni bilmog‘i zarur.
Qurilishda standartlashtirish, metrologiya va sertifikatlashtirish oliy o‘quv
yurtlari va kasb-hunar kollejlarida ta’lim olayotgan talabalarda qurilishda
standartlashtirish, metrologiya va sertifikatlashtirish bo‘yicha asosiy qoidalarni,
talablarni, me’yorlarni standartlashtirish va me’yoriy hujjatlarni bilishini taqozo
etadi.
|
| |
