|
-rasm. Tajriba so‘ngida bo‘lajak o‘qituvchilarda kompetentlik sifatlarini rivojlantirish
Pdf ko'rish
|
| bet | 118/266 | | Sana | 23.01.2024 | | Hajmi | 4,29 Mb. | | #143747 |
Bog'liq 11-son PM Ped Psixolo
1-rasm. Tajriba so‘ngida bo‘lajak o‘qituvchilarda kompetentlik sifatlarini rivojlantirish
bo‘yicha bilimlarni o‘zlashtirish darajasi diagrammada quyidagicha ifodalanadi
Buni biz dastlab 86 talabalarning o‘qituvchilik kasbiga bo‘lgan munosabatlarining o‘zgarganligida,
ularning darslarda ko‘tarilgan muammolarni mustaqil hal etishda, turli vaziyatlarda to‘g‘ri fikr yurita olish,
tahlil etish, muhokama yuritish, o‘z fikrini ma’lum tizimda ifodalay olish ko‘nikmalarini hosil qilishga
o‘rganganligida ko‘rdik.
Xulosa.
Bo‘lajak o‘qituvchilarda pedagogik kompetentlik sifatlarini rivojlantirish texnologiyasini tadqiq etish
jarayonida quyidagi xulosalarga keldik:
1. “Kompetentsiya” (ingl. “competence” – “qobiliyat”) – faoliyatda nazariy bilimlardan samarali
foydalanish, yuqori darajadagi kasbiy malaka, mahorat va iqtidorni namoyon eta olish ma’nosini anglatsa,
pedagogik kompetentlik – mutaxassis tomonidan kasbiy faoliyatni amalga oshirish uchun zarur bo‘lgan
bilim, ko‘nikma va malakalarning egallanishi va ularni amalda yuqori darajada qo‘llay olinishi ma’nosini
bildiradi.
2. Kompetentlik mutaxassislik bilimlarini doimo boyitib borishni, yangi axborotlarni o‘rganishni,
muhim ijtimoiy talablarni anglay olishni, yangi ma’lumotlarni izlab topish, ularni qayta ishlash va o‘z
faoliyatida qo‘llay bilishni taqozo etadi.
3. Bo‘lajak o‘qituvchilarning pedagogik kompetentlik sifatlarini shakllantirish muammosining hal
etilishi bo‘lajak mutaxassislarni tayyorlash ishiga pedagogik va kasbiy fanlarning ilg‘or yutuqlarini qo‘llash,
xususan, kompyuter texnologiyalari, texnologik yondashuvlar, ta’lim amaliyotiga zamonaviy o‘qitish, milliy
tarbiya texnologiyalarini joriy etish, samaradorligini oshishiga yordam beradigan psixologik-pedagogik
sharoitlarni yaratish orqali erishilishi aniqlandi.
4. Interfaol metodlar zamonaviy ta’limda talabalarning o‘quv-bilish faolligini oshirish, ularda ta’lim
olishga bo‘lgan rag‘batni kuchaytirish imkoniyatiga ega.
5. Bo‘lajak o‘qituvchilarning pedagogik amaliyotlar jarayonida fanlarni o‘qitishda interfaol
metodlardan samarali foydalana olishlari maqsadga muvofiqdir. Ular yordamida o‘zaro juftlikda, kichik va
katta jamoalarda ta’lim olish esa talabalar tomonidan o‘quv masalalarining har tomonlama tahlil qilish
imkonini beradi.
6. Bo‘lajak o‘qituvchilarda pedagogik kompetentlik sifatlarini rivojlantirish texnologiyasi
quyidagilarda namoyon bo‘ladi: dars berish mahorati, tashkilotchilik, ijodiy yondashuv, o‘quv-tarbiya
jarayonida gumanitar omilni ta’minlaydigan shaxsiy sifatlarni shakllantirish, mustaqil fikrlash va yangi
bilimlar olishga intilish, 88 yangi pedagogik va axborot texnologiyalarini egallanganlik, internetning global
tarmog‘i bilan ishlash bo‘yicha amaliy ko‘nikmalarining shakllanganligi, o‘zida notiqlik san’atini
rivojlantirishi, pedagogik amaliyot jarayonida ta’lim oluvchilarning bilimlarini xolisona nazorat qilish va
baholash mahorati, vaziyatni baholash va muammolarni echish ko‘nikmasiga ega bo‘lish va nihoyat, o‘z
ustida tinimsiz ishlashi.
|
| |
