|
Jurnal 001-yilda tashkil etilgan. Jurnal yilda 12 marta chiqadi
Pdf ko'rish
|
| bet | 133/266 | | Sana | 23.01.2024 | | Hajmi | 4,29 Mb. | | #143747 |
Bog'liq 11-son PM Ped Psixolo
Kirish. Hozirgi vaqtda dunyoda mavjud tarqoqlikni, bilimlarning parchalanishini va ta’limdagi
o‘qituvchilik mahoratining tor ixtisoslashuvini bartaraf etishning yondashuvlari va usullarini izlashga e’tibor
tobora ortib bormoqda.
Ta’lim-tarbiya jarayonida boʻlajak mutaxassislarning ilmiy-tadqiqotchilik faoliyatiga yo‘naltirish
davlatimiz siyosatining ustuvor vazifalaridan biri hisoblanadi. Hozirgi kunda oliy ta’lim muassasalari
buyutmachiga ilmiy va ijodiy faol kadrlarni yetkazib berishi muhim vazifaga aylangan. Shuning uchun
boʻlajak kadrlarning sifat samaradorligini oshirish, ularning kasbiy kompononentlarini rivojlantirish bo‘yicha
zamonaviy ta’lim texnologiyalarini amaliyotda qo‘llash borasida bir qator keng koʻlamdagi islohotlar olib
borilmoqda.
Asosiy qism. Jamiyat taraqqiyotining hozirgi bosqichi axborot va texnologik taraqqiyotning doimiy
ravishda rivojlanishi bilan tavsiflanadi. Natijada bilim va texnologiyalarning tez eskirishi oqibatida odamlar
doimiy raqobat sharoitida yashamoqdalar. XXI asrda insonning muvaffaqiyati butunlay uning shaxsiy va
kasbiy fazilatlariga bog‘liq bo‘lib, ulardan eng muhimi - tanqidiy fikrlash, ijodkorlik qobiliyati, mustaqillik
va o‘z faoliyatini mustaqil tashkil etish, dalillarni ilmiy asoslash qobiliyatida o‘z aksini topadi.
O‘zbekiston Respublikasi Prezidenti Sh.M. Mirziyoyev Yangi O‘zbekiston taraqqiyot strategiyasi
nomli kitobida “Fanlar akademiyasi tizimidagi ilmiy-tadqiqot muassasalari, oliy o‘quv yurtlari, tarmoq
institutlari, ilmiy va innovatsion markazlar hamda korxonalarning o‘zaro hamkorligini mustahkamlash, ilm-
fan va ta’lim sohalaridagi ilmiy, innovatsion faoliyatni rag‘batlantiradigan shart-sharoitlarni yaratishga
asosiy e’tibor qaratilmoqda.”-deb ta’kidlab o‘tgan.[1.227-b.]
Bo‘lg‘usi kadrlarda ilmiy tadqiqotchilik ko‘nikmalarini shakllantirish orqali ilm-fan va ta’lim sohasida
ko‘zlangan maqsadga erishiladi. Shunday ekan bu jarayonda zamon talabiga javob beradigan
texnologiyalarni amaliyotga joriy qilish kerak.
|
| |
