K urs jumíSÍ Tema: Oraylıq maydandag'ı bo'lekshe ha'reketinin' animacıyasın Wolfram Mathematica da'stu'rinde jaratıw Kafedra baslıq: f-m I. k., doc prof. A. Kamalov Ilimiy basshı: Assistent oqıtıwshı T.Óteev Student: M. Alpısbaev

Download 1,21 Mb.
bet	2/4
Sana	10.01.2024
Hajmi	1,21 Mb.
	#134126

1 2 3 4

Bog'liq
M.Alpısbaev

I. BAP Wolfram Mathematica dástúri

Kurs jumısınıń maqseti: Háreket traektoriyalarin modellestiriwde Wolfram Mathematica dástúrinen paydalanıw.
Kurs jumısınıń maqseti: Háreket traektoriyasiniń animaciyasin jaratıw. Oqıw processinde Wolfram Mathematica dástúri arqalı hár qıylı traektoriyalardi jaratiw.

I. BAP Wolfram Mathematica dástúri
I .1.Wolfram Mathematica imkaniyatları hám qollanılıwı
Wolfram Mathematica dástúriniń tiykarshısı Stiven Wolfram. Stiven Wolfram búgingi kúnde texnik esaplawdıń eń áhmiyetli innovatorı, sonıńday dúnyadaǵı eń orgınal izertlewshi alımlardan biri.
Wolfram 1986-jılda Mathematicanı islep basladı. Mathematicanıń 1-versiyası 1988-jıl 23-iyunda shıǵarıldı hám esaplaw tarawında úlken jetiskenlik sıpatında alǵıslandı.
1991-jılda Mathematicanıń 2-versiyasın jarattı soń, Wolfram óz waqtın Mathematicanıń rawajlanıwı hám ilimiy izertlewler menen shuǵıllandı. Házirgi kúnde bul dástúrdiń jańa versiyalarıda jaratılmaqta. Wolfram Mathematica dástúri C, Wolfram Language, Java, C++ sıyaqlı dástúrlew tillerine jaratılǵan.
Wolfram Mathematica dúnyadaǵı zamanagóy texnik esaplaw ushın eń tolıq sistema. Birinshi ret 1988-jılda shıǵarılǵan kompyuterlerdiń kóplegen texnikalıq hám basqa tarawlarda qollanıwına tereń tásir kórsetedi. Mathematica júdá kóp tarawlarda zárúrli áhmiyetke iye. Wolfram Mathematica dástúri kóplegen zárúrli jańa ashılıwlarda sheshiwshi rol oynadı hám mıńlaǵan jańa ashılıwlar ushın tiykar boladı. Házirge shekem dúnyadaǵı kóplegen zárúrli jańa ónimler óz dizaynın da ol yamasa bul basqıshta Mathematicaǵa tayanadı.
Mathematica ulıwma maqsetli kompyuter algebra sisteması bolıp, ol yaki bul formada matematikanı óz ishine alǵan hár qanday túrdegi máselelerdi sheshiw ushın isletiliwi múmkin.
Mathematica sonday joqarı dárejedegi jalǵız sistema bolıp, onnan paydalanıw júdá ańsat, onnan mektep oqıwshıları hám bakalavr studentlerı de paydalanıwı múmkin. Wolfram Mathematica dástúri student jaslardıń matematika hám esaplaw tarawlarına qızıǵıwshılıqların asırıw hám óz betinshe úyreniw imkaniyatın jaratıp beredi.
Mathematica dúnyadaǵı eń joqarı dárejede optimallastırılǵan algoritmler sistemasidir, bul sistemaniń ózinde jaylasqan.
Wolfram Mathematica dástúriniń abzallıqları hámde imkaniyatları.

Paydalanıwdıń qolaylıǵı
Eń joqarı esaplaw nátiyjeliligi
Joqarı dárejedegi sapalı grafiklerdi jaratıw
Ámelde tildiń haqıyqıy matematikalıq ámellerge jaqınlıǵı
Tildiń baylıǵı hám iykemlesiwsheńligi
Sheksiz keńeytiw imkaniyatı
Platformanıń ǵarezsizligi
Túrli versiyalardıń sáykesligi
Anıq formatlardan paydalanıw

sıyaqlı abzallıqlarǵa iye. Mathematicanıń eń kúshli táreplerinen biri-ańlatpalar, tiykarınan dizimler menen islew hám funkciyalardıń olardıń túrli dárejelerine qollaw ushın kúshli ornatılǵan funkciyanıń kópligi.
Mathematica dástúriniń kemshilikleri. Mathematicanıń 1-versiyasında esaplawdı toqtatıp bolmaslıǵınan baslap bir qatar kemshilikleri bar edi. Sol waqıtta Macos operation sistemasinda úsh barmaqlı Ctrl+Alt+Del kombinatsiyasınıń joqlıǵı edi. Bıraq keyin ala dizim islep shıǵıwshılar bárshe anıq kemshiliklerdi joq qıldı. Sistemanıń jalǵız kemshilikleri licenzıyanıń joqarı bahada ekenligi.
Wolfram Mathematica (WM)-bul simbollıq matematika toplamı. Islep shıǵarıwshılar tárepinen ornatılǵan júdá kóp funkciyalar, sol qatarı dástúrdiń ózi menen toltırıwǵa imkan beriwshi ashıq ortalıq. Mathematica joqarı tezlik hám derlik sheksiz esap kıtaplardıń anıqlıǵına iye, bul oǵan júdá kúshli kompyuterlerde hám, onsha kúshli bolmaǵan jeke kompyuterler de islew imkaniyatın beredi. Dástúrde sheksiz kóp adamlarǵa onıń imkaniyatlarınan paydalanıw imkanın beriwshi web-server bar. Kóbinese dástúriniń tiykarǵı qarsılasları Maple, Matlab haqqında básekilesiwińiz múmkin. Mathematica dástúrinde turaqlı sóz dizbekleri menen islenedi.
Mathematica dástúriniń bizge beretuǵın imkaniyatları yaki abzallıqları desekte boladı.

Maǵlıwmat sisteması bul funkciyalardıń joqarı sapalı súwretin, onnan tısqarı Wolfram Mathematica haqqında maǵlıwmatlardı, mısallardı da, oqıw qollanbalarında kóresiz. Onda bárshe materiallar maǵlıwmatlar bar. Dástúr menen endi islep baslaǵanlar hám júdá az waqıt islep atırǵanlar ushın Help (járdem) járdem usılı hám onıń járdem buyrıǵı aralıq dástúrdiń qalay islewi haqqında maǵlıwmatlardı alsa boladı. Mathematica dástúriniń járdem sistemasıniń ózide bir qansha bólimler bar, olar ese baplarǵa hám kishi bólimlerge bólingen.
Bul dástúrdiń imkaniyatların joqarıdaǵı súwretten kóriwińiz múmkin.
Kerekli funkcıyanı atı boyınsha izlew ushın yarlikler ústinde jaylasqan izlew pánelinen tapsańız boladı.

Basqa da imkaniyatları tuwralı sóz etsek matematikaǵa tiyisli bolǵan barlıq imkaniyatlarǵa iye, algebralıq, differencial, funkcional teńlik hám teńsizlik, sol qatarı sızıqlı dizimlerdi sheshiw, integral, sol qatarı ápiwayı hám quramalı matricalar, algebralıq teńlemelerdi sheshiw usılları bar. Bunnan tısqarı joqarı dárejedegi grafiklerdi jasaw múmkinshiligine de iye. Wolfram Mathematica dástúri tek ǵana matematik esaplaw ushın emes, bálki esaplaw biologiyası hám buǵalteriyadan tartıp geografik xabar dizimlerine shekem bolǵan kóplegen texnik tarawlarǵa tásir qılıwshı, qosımsha ornatılǵan funkciyalarǵa iye.
Biz Wolfram Mathematica dástúriniń imkaniyatları haqqında sóz ettik, endi bul dástúrdiń qollanılıwı haqqında sóz etemiz. Biz qanday da bir zat yamasa predmetti qollanbastan aldın, onıń imkaniyatları hám wazıypası haqqında maǵlıwmatǵa iye bolıwımız kerek. Mısal etip aytatuǵın bolsaq eń ápiwayi qılıp ruchkanı alsaq, ruchkanıń tiykarǵı imkaniyatı hám wazıypası bul jazıw bolıp esaplanadı, hám onı biz tek ǵana jazıw ushın qollanamız. Al endi biz joqarıda Mathematica dástúriniń imkaniyatları haqqında sóz ettik, bunnan kelip shıǵadı bul dástúrdi kóp jónelislerde qollanıwımız múmkin eken. Eń dáslep funkciyalardıń grafiklerin jasaw odan tısqarı túrli matematikalıq ámellerdi orınlawda hár túrli animaciyalardı jaratıwda da qollanıladı.

Download 1,21 Mb.

1 2 3 4

Download 1,21 Mb.