1-tapsırma.
Tekstti oqıp, sorawlarǵa juwap beriń.
1. Ayzadanıń anası ne isledi?
2. Ne ushın bul kún ádettegiden basqasha
dep oylaysız?
3. Ayzadanıń ne ushın miyman bolıp kelgisi
keldi?
2-tapsırma.
Berilgen qosıq qatarların oqıń. Miy
man kútiwge baylanıslı shayırdıń ne demekshi
bolǵanın óz sózińiz benen aytıp beriń.
@edurtm_uz
33
Bizde sóz bar: miyman – ırıs, bereket,
Qonaq kútiw – ziyneti hár adamnıń,
Eger úyge bes kún miyman kelmese,
Shayı qonbas meniń bayǵus adamnıń.
I. Yusupov
JAQSÍ QÍZ
Qonaq bolıp otırmız,
Sıylar kórdik táwir biz,
Birinshi klass Ámina,
Xızmet etti qalıwsız.
Bolsa da ózi kishkentay,
Xızmeti úlken adamday,
Kómeklesip qoyıp júr.
Mine pal, sút, sarı may.
S. Nurımbetov
1-tapsırma.
Sorawlarǵa juwap beriń.
1. Ámiyna qonaqlardı kútiwge qanday járdem
lesti?
2. Miyman kelgende qanday dasturqan jayı
ladı?
3. Ne ushın bul kúndi umıtpaymız?
2-tapsırma.
Súwretlerden paydalanıp, dasturqandı
qonaq kútiwge tayarlań.
@edurtm_uz
34
MIYMANDÍ QANDAY KÚTIP ALAMÍZ?
Keń jayılǵan dasturqandı jayıp bolǵan anam
sırtqa qaytaqayta shıǵıp jolǵa qarap júr. Daladan
kewilli kúlisken adamlardıń dawısı esitilgende
anam júzleri jaynap ketti. Úy toy bolıp atırǵanday
shawqımǵa toldı.
Kelgen adamlar eń dáslep kempir apamnıń
qolınan alıp, haljaǵday sorastı. Kempir apam da
olardıń densawlıǵın, úyindegi jaqınların birmebir
sorap atır. Usı payıtta atız bette júrgen atam da
ishke kirdi. Qolın juwıp miymanlar menen sálem
lesip, sorastı hám pátiya etti. Miymanlardı zalǵa
mirát etti. Asxanada ájapam hám jeńgem shay
tayarlap ákelip atır. Kim qara shay, kim kók shay
ishetuǵınlıǵın anamnıń aytıwı menen bilip alǵan
jeńgem tez ákelip, bosaǵan ıdıslardı tazalap qoyıp
atır. Mazalı taǵamdı jep bolǵan soń miymanlar
ketiwge tayarlanıp, úy aǵzalarına minnetdarshılıq
bildirip, tilekler bildirdi.
Tań azannan keshke shekem tınbay júrgenine
qaramay úy ishinde heshkim sharshadım demes,
miymanlardıń kewilli otırǵanına, jaqsı shıǵarıp sal
ǵanına quwanıshlı edi.
1-tapsırma.
Sorawlarǵa juwap beriń.
1. Miymanlardı kútip alıw ushın qanday
tayar lıq kórildi?
2. Atası menen kempir apasına miymanlar
qanday húrmet kórsetti?
3. Úy aǵzaları ne ushın quwanıshlı edi?
@edurtm_uz
35
2-tapsırma.
Miymanlardı kútip alıwǵa qollanılatuǵın
sózlerdi aytıp beriń. Olardı qay waqıtta, qalay
aytıw kerek ekenligi haqqında túsindiriń.
|