-sxema Global muammolarning tiplari

Oxirgi yuzyilliklarda aholining jadal ko‘payishi hozirda ayniqsa jiddiy tashvish uyg‘otmoqda. Oxirgi o‘n asrning o‘zida Yer kurrasining aholisi 250 mln.dan 6 mlrd.ga, ya’ni o‘n besh baravar ko‘paydi. Agar birinchi ikki baravar ko‘payish 700 yilda ro‘y bergan bo‘lsa, ikkinchisi uchun atigi 150 yil kerak bo‘ldi. Yer yuzi aholisi geometrik progressiyada, oziq-ovqat mahsulotlari esa – arifmetik progressiyada ko‘payadi, bu muqarrar ravishda «demografik portlash»ga olib keladi, deb bashorat qilgan ingliz sotsiologi T.Maltus (1766-1834) haq bo‘lib chiqdi. Buni quyidagi ma’lumotlar ham tasdiqlaydi: XX asrning 60-yillarida Yer kurrasida soatiga 8 ming kishi, 80-yillarda – 10 ming kishi, 90-yillarda – 12 ming kishi tug‘ilgan bo‘lsa, hozirda bu raqam 13-14 ming kishiga yetgan bo‘lsa kerak.