LABORATORIYa MAShG’ULOTLARI
1-LABORATORIYA MAShG’ULOTI
Mavzu: Informatika va axborot texnologiyalari fanidan interaktiv metodlar asosida dars ishlanmalari yaratish.
O’quv mashg’ulotining maqsadi. Informatika va axborot texnologiyalari fanidan interaktiv metodlar asosida dars ishlanmalari yaratish bo’yicha bilim, malaka va ko’nikmasini shakllantirish.
O’qitish vositalari – ma’ruza matni, tarqatma material, kompyuter slaydlari, doska
|
O’qitish usullari – tushuntirish, instruksiya berish, namoyish, blis-so’rov, “Aqliy hujum usuli
|
O’qitish shakllari – frontal, kollektiv ish, individual ish
|
O’qitish sharoiti – kompyuter, multimedia proektor (yoki proektor va LCD panel)
|
Hozirgi kunda ta’lim jarayonida interfaol metodlar (innovatsion pedagogik texnologiyalar)dan foydalanib, ta’limning samaradorligini ko’tarishga bo’lgan qiziqish, e’tibor kundan-kunga kuchayib bormokda. Innavatsion texnologiyalar qo’llanilgan mashg’ulotlar talabalar egallayotgan bilimlarni o’zlari qidirib topishlariga, mustakil o’rganib, tahlil qilishlariga, hatto xulosalarni ham o’zlari keltirib chiqarishlariga qaratilgan. O’qituvchi bu jarayonda shaxs va jamoaning rivojlanishi, shakllanishi, bilim olishi va tarbiyalanishiga sharoit yaratadi, shu bilan bir qatorda, boshqaruvchilik, yo’naltiruvchilik vazifasini bajaradi. Bunday o’quv jarayonida talaba asosiy figuraga aylanadi.
Innovatsiya (inglizcha innovation) yangilik kiritish, yangilik demakdir.Innovatsion texnologiyalar pedagogik jarayon hamda o’qituvchi va talaba faoliyatiga yangilik, o’zgarishlar kiritish bo’lib, uni amalga oshirishda asosan interfaol uslublardan foydalaniladi.
Interfaol (“inter” - bu o’zaro, “act”- harakat qilmoq) - o’zaro harakat qilmoq yoki kim bilandir suhbat, muloqot tartibida bo’lishni anglatadi. Boshqacha so’z bilan aytganda, o’qitishning interfaol metodlari - bilish va kommunikativ faoliyatni tashkil etishning maxsus shakli bo’lib, unda ta’lim oluvchilar bilish jarayoniga jalb qilingan bo’ladilar, ular biladigan va o’ylayotgan narsalarni tushunish va fikrlash imkoniyatiga ega bo’ladilar. Interfaol darslarda o’qituvchining o’rni qisman talabalarning faoliyatini dars maqsadlariga erishishga yo’naltirishga olib keladi.
Bugungi kunda ta’lim muassasalarida interfaol ta’limni tashkil etishda quyidagi eng ommaviy texnologiyalar qo‘llanilmoqda:
|
