| Alpinariya va rokariyalar. Ajdodlarimiz o‘z tarixiy hayoti faoliyati davomida bog‘larni bezash uchun suv va toshlarni ishlatgan. Keyinchalik toshlarni–yo‘laklar, to‘shamalar va bordyurlar uchun qo‘llaganlar.
Alpinariya tarixi Britaniyada boshlanib, XVIII asr boshida tabiiy toshlarni dekorativ element sifatida bog‘larda ishlatishgan. Bu davrda bog‘larda toshlardan tepaliklar, grotlar va katta–katta tabiiy toshlar guruxlari yaratilib, ular orasiga o‘simliklardan paporotniklar ekilgan.
Toshlar va suv jozibasini hisobga olgan holda, dala hovlilari va ularning atroflari ular yordamida bezatilib, shu tariqa hududning tabiiyligi ta'minlangan. Yaqin vaqtlargacha hududlarni sun'iy ravishda tosh va suv bilan bezash, faqat ta'minlangan boy kishilarning qo‘lidan kelar edi. XIX asrda Angliya bog‘larida tabiiy toshlardan ravoqlar va devorlar qurish urfga aylanadi. XX asrga kelib esa, bog‘larda suv xavzalari va favvoralarni qurish oddiy bog‘bonlarning ham qo‘lidan kelardi. XIX asr oxirida ulkan tabiiy toshdan yasalgan inshootlar urfdan chikadi.
|
