Bog‘–park yo‘llari va ularning to‘shamalari. Xiyobon va yo‘llar bir necha turlarga: asosiy, ikkinchi darajali, qo‘shimcha piyodalar yo‘llari, piyodalar xiyobonlari va yo‘llariga bo‘linadi.
Asosiy yo‘llarning eni 6–9 m bo‘lib, ularning o‘rtasiga kengligi 2 m atrofidagi ajratuvchi yashil lentalar, yotqiziladi, yashil lentalarning har 25–30 m atrofida o‘tish joylari bo‘ladi. Ular o‘zining asosiy kirish joylariga ega bo‘lgan funksional zona va maydonlarni bir-biriga bog‘laydi. Bu maydonlarda parkning ichki transporti o‘tiladigan yo‘llari o‘tkaziladi. Agar xiyobon suv havzasi yoki qirg‘oq yonidan o‘tadigan bo‘lsa, uning ko‘ndalang kesimi turli pog‘onalarda, qiyalik, devorcha va zinapoyalar bilan bog‘langan holatda yechilishi zarur.
Bog‘ va parklarning eng muhim tarkibiy elementlaridan biri–bu asosiy yo‘laklar va ularning to‘shamalaridir. Ular bog‘-parklarning turli qismlari va zinalarini bir–biri bilan bog‘laydi va insonlarning erkin yurishi uchun xizmat qiladi.
Yo‘laklar bir–biridan eni, yopmasi va to‘shamasining turi, qo‘llanilgan materiali va to‘shamasidagi texnologiyasiga qarab farqlanadi. Imoratlarga eltuvchi asosiy yo‘laklarning eni 1,2–1,5 m, ikkinchi darajali yo‘laklarniki esa 1m qilib olinadi. To‘shamalar turiga qarab plitali, toshli,blokli, beton, maysali bo‘lishi mumkin.
|
