|
M. M. Hojimatov- andijon davlat universiteti kimyo kafedrasi dots., PhD
|
| bet | 37/131 | | Sana | 19.01.2024 | | Hajmi | 9,69 Mb. | | #141266 |
Bog'liq Органик кимё мажмуа.docx 2023 y (2)ЦИКЛИК ЭФИРЛАР
Циклик эфирлар диолларнинг ҳосилалари бўлиб, улардаги эфир боғи молекула ичида ҳосил бўлади. Циклик эфирлар халқанинг катталиги ва кислород атомлари сонига қараб бир неча гуруҳга бўлинади. Уларни кўпинча оксидлар ҳам дейилади. Баъзи циклик эфирлар гетероциклик бирикмалар каби номланади. Масалан:
ЭПОКСИДЛАР.
Эпоксидларни номлашда тегишли углеводород номи асос қилиб олинади, кислород кўпириги эса –эпокси қўшимчаси билан белгиланади. Энг содда вакиллари учун этиленоксидлар, пропиленоксидлар номлари қўлланилади. Шунингдек гетероциклик бирикмаларни номлашдаги оксиранлар ибораси ҳам қўлланилади. Масалан,
Эпоксидлар галогеналканолларни ички молекуляр алкиллаш методи билан ва алкенларни тўғридан тўғри оксидлаш йўли билан олинади.
Галогеналканоллар (галогенгидринлар) кучли асослар иштирокида эпоксидларга айланади:
Эпоксидлар галоген ва кислород атомлари транс ҳолатда жойлашгандагина ҳосил бўлади. Масалан 2-хлорциклогексанол қуйидагича ўзгаришга учрайди:
Алкенлар пероксикислоталар ва бошқа органик оксидловчилар билан оксидланади. Баъзан катализатор иштирокида ҳаво кислороди билан ҳам оксидланади. Масалан,
Эпоксидлар кучсиз ҳидли, рангсиз газ (этиленоксид) ёки суюқ моддалардир. Эпоксид халқаси сезиларли даражада деформацияланган валент бурчакли деярли тенг бурчакли учбурчак шаклига эга. Шунинг учун атом орбиталлари қисман қопланади ва боғларнинг энергияси камаяди.
Эпоксид гуруҳ қутбли, этиленоксиднинг дипол моменти μ=6,28·10-30 Кл·м (1,88 D) га тенг. Бунга сабаб С-О боғининг қутблилиги ва СОС бурчагининг кичиклигидир. Эпоксидларнинг кимёвий реакциялари умуман олганда оддий эфирларнинг кўплаб реакцияларига ўхшаш, фақат эпоксидлар жуда осон реакцияга киришади. Эпоксидлардаги С-О боғи айниқса кислота катализаторлари иштирокида осон узилади.
Кучсиз нуклеофиллар, масалан сув билан катализаторсиз реакция юқори температурада босим остида боради. Кучли нуклеофиллар, масалан аммиак, аминлар, металлорганик бирикмалар осон таъсирлашади:
Кислотали муҳитда С-О боғининг қутбланиши ҳисобига эпоксидларнинг реакцион қобилияти янада ортади. Сульфат ёки фосфат кислота иштирокида сув ва алканоллар осон бирикади:
Катализатор сифатида металларнинг ионлари ҳам бўлиши мумкин. Масалан, эпоксидлар MgCl2нинг сувли эритмалари билан осон реакцияга киришади, бунда Mg(OH)2 чўкмага тушади ва хлоралканол ҳосил бўлади (бу реакцияда хлор иони нуклеофил ҳисобланади, магний иони эса эпоксиддаги кислород атомига координацияланади).
Стереокимёвий тадқиқотлар натижасида транс-бирикиш содир бўлиши аниқланган.
Носимметрик алмашинган эпоксидларда эпоксид халқасининг парчаланиши йўналиши ҳар хил бўлиши мумкин. Агар реакция SN2 механизм бўйича борадиган бўлса нуклеофил заррача кароқ экранланган (алмашинган) углерод атомига ҳужум қилади. Агар кислоталар иштирокида стабиллашган карбокатион ҳосил бўлса, SN1 реакция механизм бўйича боради ва нуклеофил карбокатион марказга бирикади.
Сувсиз муҳитда Льюис кислоталари иштирокида димеризация, олигомеризация ва полимеризация реакциялари осон боради.
|
| |
