|
M. M. Hojimatov- andijon davlat universiteti kimyo kafedrasi dots., PhD
|
| bet | 38/131 | | Sana | 19.01.2024 | | Hajmi | 9,69 Mb. | | #141266 |
Bog'liq Органик кимё мажмуа.docx 2023 y (2)Муҳим вакиллари
Этиленоксид-эфир ҳидли рангсиз газ, 10,7 oC да қайнайди, . Сувда ва органик эритувчиларда яхши эрийди. Этиленоксид саноат учун муҳим маҳсулотлардан биридир. Дунё миқёсида йилига бир неча миллион тонни миқдорда ишлаб чиқарилади. Саноатда хлоргидриндан ва этиленни оксидлаб олинади.
Этиленоксид органик синтезда турли хил бирикмаларни олишда, жумладан эритувчилар, синтетик толалар ва сирт фаол моддалар олишда кенг қўлланилади.
Пропиленоксид-рангсиз суюқлик, 34,5 oC да қайнайди, . Пропиленоксид молекуласи хирал, бир жуфт энантиомери ва рацемати мавжуд. Пропендан хлоргидрин усули билан олинади.
Пропенни ҳаво кислороди билан каталитик оксидлаш натижасида кутилган натижа чиқмаганлиги учун молибденнинг π-комплекслари иштирокида гидропероксидлар билан оксидлаш методи ишлаб чиқилган. пропиленоксид ҳам кўп миқдорда ишлаб чиқарилади.
Эпихлоргидрин (3-хлор-1,2-эпоксипропан)- хлороформ ҳидли рангсиз суюқлик, 110 oC да қайнайди, . Аллилхлориддан хлоргидрин методи бўйича олинади.
Эпихлоргидрин молекуласида эпоксид ва углерод-хлор фаол бғлари мавжуд. Эпихлоргидрин глицерин синтезида оралиқ маҳсулот ҳисобланади. Эпихлоргидрин эпокисд смолалар олишда кенг қўлланилади. Дастлаб бис-феноллар билан таъсирлашув натижасида фаол мономерлар ҳосил бўлади. Мономер бошқа бис-фенол молекуласи билан реакцияга киришиб олигомер ва полимерга айланади.
Ушбу полимер фаол эпоксид гуруҳлар тутади, шунинг учун диаминлар каби реагентлар билан реакцияга киришиб тўрсимон полимерлар ҳосил бўлади, яъни чизиқли макромолекулалар тикилади (қотиш жараёни). Бунинг натижасида полимер материалнинг термик ва механик пишиқлиги ортади.
Тетрагидрофуран-110 oC да қайнайдиган, эфир ҳидли рангсиз суюқлик, . Сувда ва органик эритувчиларда эрийди, сув билан 64 oC да қайнайдиган 6 % сув тутувчи азеотроп аралашма ҳосил қилади.
Тетрагидрофуран бутиндиол-1,4 дан ёки фуранни каталитик гидридлаб олинади. Терагидрофуран ҳар хил металларнинг ионларини яхши солватлайди ва металлорганик бирикмалар ҳосил бўлишини осонлаштиради. У эритувчи сифатида ва баъзи мономерларни олишда кенг қўлланилади.
Диоксан-суюқланиш температураси 11,8 oC бўлган, 101,3 oC да қайнайдиган ўзига хос ҳидли рангсиз суюқлик. Сувда ва органик эритувчиларда яхши эрийди. Сув билан 87,8 oC да қайнайдиган 18,4 % сув тутувчи азеотроп аралашма ҳосил қилади. Диоксан этиленоксиддан ёки катализатор иштирокида этиленгликолдан олинади.
Диоксан бир қатор ноорганик бирикмалар (Br2, SO3, ICl ва бошқа) кристалл ҳолдаги донор-акцептор комплекслари ҳосил қилади. Бундай комплекслар жуда яхши бромловчи ва сульфоловчи реагентлар ҳисобланади. Диоксан→ICl комплекси иодлаш реакциялари учун ишлатилади.
КРАУН-ЭФИРЛАР.
Краун-эфирлар деб халқада тўртта ва ундан ортиқ кислород атоми тутувчи макроциклик полиэфирларга айтилади. Аксарият ҳолатларда краун-эфирлар этиленгликолнинг ҳосилалари ҳисобланади. Бирикманинг номида макроциклдаги атомлар сони квадрат қавс ичида кўрсатилади, иккинчи рақам кислород атомлари сонини билдиради.
Краун-эфирлар этиленгликолни, диэтиленгликолни, триэтиленгликолни мувофиқ келувчи реагентлар, масалан, 2,2э-дихлордиэтил эфири билан алкиллаб олинади. Энг содда краун-эфирлар рангсиз қуюқ суюқликлар ёки кристалл моддалар бўлиб, углеодородларда ва сувда эрийди.
Краун-эфирларнинг энг муҳим хоссаси уларнинг металларнинг ионлари билан комплекс ҳосил қилишидир.
Металл иони макроцикл бўшлиғида жойлашади ва донор-акцептор боғлар ҳисобига мустаҳкам ушлаб турилади. Макроциклдаги бўшлиқнинг диаметри краун-эфирнинг структурасига боғлиқ. Масалан [15]краун-5 нинг диаметри 0,17-0,22 нм, [18]краун-6 нинг диаметри 0,26-0,32 нм, [21]краун-7 нинг диаметри 0,36-0,43 нм га тенг. Шунинг учун ҳар хил краун эфирлар металларнинг ионлари билан ҳар хил барқарорлик константасига эга бўлган комплекслар ҳосил қилади. Металл ионининг диаметри макроцикл бўшлиғининг диаметрига қанчалик яқин бўлса, комплекс ҳам шунчалик юқори бўлади. Масалан [15]краун-5 га натрий иони, [18]краун-6 га калий иони тўғри келади.
Краун-эфирлар ноорганик тузларни органик эритувчиларда эрувчанлигини яхшилаш учун, фазалараро катализатор сифатида, ҳамда органик эритувчиларда солватланмаган анионлар ҳосил қилиш учун ишлатилади. Масалан, [18]краун-6 ёрдамида КОН ни бензолда эритиш мумкин, бунда ОН ионининг фаоллиги сувли ёки метанолдаги эритмаларга қараганда кучлироқ бўлади. Краун-эфир типидаги бирикмалар биологик системаларда катта аҳамиятга эга. Улар ионларни биологик мембраналар орқали ўтказилишини таъминлайди.
ВИНИЛ ЭФИРЛАРИ.
Винил эфирлар умумий қоидалар бўйича номланади. Масалан,
Винил эфирлар асосан алкинларга алканолларни бириктириб олинади. Шунингдек галогендиалкил эфирлардан ҳм фойдаланиш мумкин:
Винил эфирлари рангсиз, бироз қитиқловчи ҳидли суюқ моддалардир. Диалкил эфирлардан фарқли равишда винил эфирларнинг молекуласида тақсимланмаган р-электронлар ва π-электронлардан иборат боғланган система мавжуд.
Винил эфирларнинг реакциялари асосан қутбланган қўшбоғнинг мавжудлиги билан белгиланади. Винил эфирлари қўшбоғ бўйича электрофил регентларни бирикиши ва полимерланиш реакцияларига киришади. Алкоксигуруҳнинг электронодонор таъсири натижасида бирикиш реакцияси осон боради.
Кислоталарнинг бирикиш реакцияларида оралиқ заррача сифатида алкоксикарбоктион ҳосил бўлиши мумкин, бу катион мусбат заряднинг кислород атоми иштирокида делокалланиши натижасида стабиллашади:
Кам нуклеофил анионли кислоталар ва льюис кислоталари билан таъсирлашганда карбокатион механизми бўйича полимерланиш реакцияси содир бўлади:
Поливинил эфирлар полимер материаллар саноатида ишлатилади.
Винил эфирлари кислоталарнинг сувли эритмаларида гидролизланиб яримацеталлар орқали альдегидларгача парчаланади:
Алканолларнинг эритмаларида ацеталлар ҳосил бўлади.
|
| |
