|
M. M. Hojimatov- andijon davlat universiteti kimyo kafedrasi dots., PhD
|
| bet | 45/131 | | Sana | 19.01.2024 | | Hajmi | 9,69 Mb. | | #141266 |
Bog'liq Органик кимё мажмуа.docx 2023 y (2)Муҳим вакиллари.
Формальдегид. Ўткир ҳидли, рангсиз газ. Сувда ва органик эритувчиларда яхши эрийди. Стабиллаш учун 5-15 % метил спирти қўшилган 35-37 % ли сувли эритмаси формалин дейилади.
Формальдегид саноат миқёсида кўп миқдорда олинади. Асосан метанолни каталитик оксидлаб олинади. Шунингдек метанни каталитик оксидлаш ҳам қўлланилади:
Формальдегид сувли эритмаларда сувни осон бириктириб олигомерланади ва полимерланади. Унинг чизиқли ва циклик олигомерлари маълум.
Сувли эритмалари вакуумда буғлатилганда олигомерлар ва n=8-100 бўлган полимер аралашмасидан иборат, параформ деб номланувчи рангсиз кукун ҳосил бўлади. Параформ органик синтезда газсимон формальдегид ўрнига ишлатилади.
Формальдегид ҳар полимерлар олишда кенг қўлланилади. Сувсиз формальдегидни инерт эритувчиларда полимерлаб юқори молекулали полиформальдегид олинади (n≈1000). Полимер 170-180 oC да юмшайди, ундан толалар, плёнкалар ва конструкцион деталлар олишда фойдаланилади.
Формальдегид органик синтезда гидроксиметил, хлорметил ва аминометил гуруҳлар киритиш учун, қайтариш учун ишлатилади.
Формальдегид аммиак билан адамантан тузилишига эга бўлган полициклик бирикма-уротропин ҳосил қилади.
Уротропин рангсиз кристалл модда бўлиб, сувда эрийди. Кислотали шароитда формальдегид ва аммиакка парчаланади. Органик синтезда формальдегид ўрнига ишлатилади ва тиббиётда ҳам қўлланилади. Уротропин нитроланганда кучли портловчи модда- гексоген ҳосил бўлади.
Ацетальдегид осон учувчан, ўзига хос, юқори концентрацияларда бўғувчи ҳидли рангсиз суюқлик. Саноат миқёсида ацетиленга сув бириктириб, этанолни кислород билан каталитик оксидлаб ва этиленни PdCl2 ва CuCl2 иштирокида кислород билан оксидлаб олинади.
Ацетальдегид сирка кислотаси, пероксисирка кислотаси, бутадиен, пентаэритрит ва бошқа бирикмалар олишда ишлатилади.
Ацетон рангсиз, осон учувчан суюқлик. Сув ва органик эритувчилар билан чексиз аралашади. Ацетон саноатда пропендан икки хил усул билан, яъни:
Пропендан пропанол-2, ундан ацетон олинади.
Пропендан кумол, ундан кумолнинг гидропероксиди, ундан ацетон олинади.
Ацетон эритувчи сифатида, айниқса нитроцеллюлоза ва ацетилцеллюлоза, ацетиленни эритишда кўп миқдорда ишлатилади. Органик синтезда ацетондан кетен, изопроен, мезитил оксиди (4-метилпентен-3-он-2) олинади.
Камфора (1,7,7-триметилбицикло[2.2.1]гептанон-2) –рангсиз, ўзига хос кристалл модда. 178-179 oC да суюқланади, осон сублиматланади.
Камфора табиатда кўплаб эфир мойларининг таркибида учрайди. У айниқса камфора мойида кўп бўлади. Ушбу мойдан оптик фаол табиий камфора олинади. Саноатда α-пинен (2,6,6-триметилбицикло[3.1.1]гептен-2) дан олинади. Синтетик камфора оптик фаол эмас (рацемат аралашма).
Камфора саноатда нитроцеллюлозанинг пластификатори ва стабилизатори сифатида, ҳамда тиббиётда юрак фаолиятини кучайтирувчи восита сифатида ишлатилади.
|
| |
