Кимёвий хоссалари. Нитроалканларнинг кимёвий реакциялари икки қисмга бўлинади:
Нитрогуруҳ бўйича борадиган реакциялар;
α-углерод атоми бўйича борадиган реакциялар.
Қайтарувчилар таъсирида ёки электролитк ячейканинг катодида нитроалканлар қайтарилади. Ушбу жараён босқичли бўлиб, биринчи босқичда электрон бирикади ва метастабил анион-радикал ҳосил бўлади. Кейин дианион ҳосил бўлиши билан иккинчи электрон бирикади.
Дианион протонланса нитрозобирикмага айланади:
Баъзи ҳолатларда нитрозобирикма изомерланиб оксимга айланади:
Нитрозоалканлар қайтарилиш жараёнида алкилгидроксиламнларга, кейин алкиламинларга айланади:
Бирламчи нитроалканлар 80-95 % л сульфат кислотасида карбон кислотаси ва гидроксиламин тузига айланади:
Шу йўл билан саноатда нитрометандан ёки 1,2-динитроэтандан гидроксиламин олинади.
Иккиламчи нитроалканлардан эса оксимлар ҳосил бўлади:
Бирламчи ва иккиламчи нитроалканлар CH-кислоталар ҳисобланади:
Нитроалканларнинг кислоталилиги фенолларнинг кислоталилигига яқин келади. Агар битта углерод атомида иккита ёки учта нитрогуруҳ бўлса кислота хоссаси кескин ортади.
Нитроалкан аниони енолят-ион каби амбидент ион ҳисобланади. Масалан, пртонланганда нитроалкандан ташқари унинг таутомер шакли ҳам ҳосил бўлади:
Нитроалканнинг таутомер шаклини аци-нитро шакл ёки нитрон кислотаси дейилади. Ушбу бирикма тоза ҳолатда ажратиб олинмаган. Нитрон кислотаси ўртача кучли кислотадир (pKa=3,2).
Нитроалканларнинг тузлари кристалл ҳолатда ажратиб олиниши мумкин. Улар кучли қиздирилганда, ҳатто портлаш билан парчаланади.
Нитрон кислоталари кислотали муҳитда гидролизланиб карбонил бирикмага ва N2O га парчаланади (Неф реакцияси, 1894).
Бирламчи нитроалканлардан альдегидлар, иккиламчиларидан кетонлар ҳосил бўлади.
Нитроалканларнинг электрофил реагентлар билан асослар иштирокидаги реакциялари. Мазкур реакцияларда нитроалкан аниони (нитронат-ион) нуклеофил заррача ҳисобланади. Масалан галогенлаш реакцияси осон боради:
Нитрозоланганда нитрозонитроалканлар ҳосил бўлади:
Алкиллаш натижасида бироз O-алкил бирикма аралашган (нитрон кислота эфири) C-алкил бирикмалар ҳосил бўлади. Шароитни танлаб нитрон кислотаси эфирларининг унумини ошириш мумкин:
Нитрон кислотасининг эфирлари реакцион қобилияти юқори бўлган бирикмалардир.
Нитроалканлар альдегидлар ва кетонлар билан реакцияга киришади. Реакция натижасида нитроалканоллар ёки бошқа нитрогидроксил бирикмалар ҳосил бўлади. Баъзи ҳолатларда икки молекула нироалкан реакция киришади ва динитроалканлар ҳосил бўлади.
Реакция алдол конденсацияси каби боради.
Формальдегид билан реакцияда диол ёки триол ҳосил бўлади.
Муҳим вакиллари.
Нитрометан-рангсиз суюқлик. Сувда кам эрийди. Заҳарли. Саноатда пропанни нитролаб олинади.
Саноатда эритувчи сифатида, асосан полимерларни эритишда, органик синтезда, ҳамда реактив двигателларнинг ёқилғиси ишлатилади.
Нитроциклогексан-рангсиз суюқлик, сувда эримайди. Циклогексанни нитрат кислота билан нитролаб олинади. Капролактам олишда бошланғич модда сифатида ишлатилади.
Трихлорнитрометан (хлорпикрин)-ўткир ҳидли рангсиз суюқлик, сувда эримайди. Нитрометанни ёки пикрин кислотасини хлорлаб олинади.
Хлорпикрин-кучли лакриматор, кўп миқдорда бўлганда бўғувчи таъсир этади. Дезинфекцияда ва қишлоқ хўжалиги зараркунандаларига қарши курашда қўлланилади.
| 