ГАЛОГЕНКАРБОН КИСЛОТАЛАР
Олиниши. α-Галогенкарбон кислоталар карбон кислоталарни галогенлаш йўли билан олинади. Фторлаш натижасида перфторкарбон кислоталар ҳосил бўлади. Саноатда фторлаш реакцияси HF эритмасида электрокимёвий усул билан олиб борилади. Реакция натижасида ацилфторидлар ҳосил бўлади.
Карбон кислотларни хлорлаш қиздирилганда ва ёруғлик таъсирида боради. Сирка кислотаси хлоранганда уч хил хлорсирка кислота ҳосил бўлиши мумкин.
Бошқа карбон кислоталар хлорланганда α-, β- ва бошқа алмашинган хлоркарбон кислоталар ҳосил бўлади. PCl3 иштирокида хлорлаш ўтказилганда асосан α-хлоркарбон кислоталар чиқади.
Карбон кислоталарни бромлаш реакцияси қизил фосфор ёки PBr3 иштирокида олиб борилади. Реакция натижасида ацилбромидлар, кейин α-бромацилбромидлар ҳосил бўлади.
Карбон кислоталарни қизил фосфор иштирокида хлорлаш ва бромлаш реакцияларини биринчи марта К.Хелл (1881), Я.Фолгард (1887) ва Н.Зелинский (1887) ўрганганлар.
α-Фтор ва α-иодкарбон кислоталар хлор ёки бром атомларини нуклеофил ўрин олиш реакцияси орқали олинади.
Кимёвий хоссалари. Галогенкарбон кислоталар карбон кислоталарга хос барча реакцияларга киришади, жумладан, ацилхлоридлар, мураккаб эфирлар, амидар ҳосил қилади.
α-Галогенкарбон кислоталар ва уларнинг ҳосилалалри ҳар хил нуклеофил реагентлар билан осон реакцияга киришади. Реакция тезлиги галогеналканларга қараганда каттароқ бўлиб, бу карбоксил гуруҳнинг индуктив эффектив таъсири билан боғлиқ.
α-Галогенкарбон кислоталарнинг карбоксилат-ионлари нуклеофиллар билан таъсирлашганда карбокатионнинг ички молекуляр стабиллашуви содир бўлади. Реакция одатда SN1 механизм бўйича, бироқ конфигурациянинг сақланиши билан боради.
α-Галогенкарбон кислоталар гидрокси- ва аминокислоталар олишда дастлабки моддалар ҳисобланади.
Шунга ўхшаш реакциялар β-, γ-, δ- ва ω-аминокислоталарда ҳам кузатилади. β-Галогенкарбон кислоталар нуклеофил ўрин олиш реакциялари билан бир вақтда борадиган парчаланиш реакциясига ҳам киришади.
α-Галогенкарбон кислоталар, айниқса, α-тригалогенкарбон кислоталар қиздирилганда осон декарбоксилланади.
Муҳим вакиллари
Хлорсирка кислотаси-61 oC да суюқланадиган рангсиз кристалл модда, сувда ва органик эритувчиларда яхши эрийди.
Саноатда хлорсирка кислотаси сирка кислотасини фосфор хлоридлар ёки олтингугурт хлоридлар иштирокида хлорлаб олинади. Шунингдек, трихлорэтиленни 180 oC да, 90 % ли сулфат кислотдаги эритмада гидратлаш ва гидролиз қилиш усули ҳам қўлланилади.
Хлорсирка кислотаси бўёқ моддалар, гербицидлар, комплексонлар ионитлар ва моддалар олишда қўлланилади.
Трифторсирка кислотаси-72,4 oC да қайнайдиган, ўткир ҳидли рангсиз суюқлик, ҳавода тутайди, терини шикастлайди. Сув ва органик эритувчиларда яхши эрийди.
Трифторсирка кислотаси саноатда сирка кислотаси ёки сирка ангидриддан электро-кимёвий усул билан олинади.
Трифторсирка кислотаси органик синтезда эритувчи, ҳамда самарали кислота катализатори сифатида қўлланилади. Трифторсирка кислотасининг ангидриди 38,5 oC да қайнайдиган суюқлик бўлиб, ациллаш реакцияларида катализатор сифатида ва сув тортиб олувчи восита сифатида ишлатилади.
13-маъруза
|
