2
OʻZBEKISTON RESPUBLIKASI
MAKTABGACHA VA MAKTAB TAʼLIMI VAZIRLIGI
A. AVLONIY NOMIDAGI PEDAGOGLARNI KASBIY RIVOJLANTIRISH
VA YANGI METODIKALARGA OʻRGATISH MILLIY-TADQIQOT
INSTITUTI
Pedagoglarni yangi metodikalarga oʻrgatish milliy markazlarining
professor-oʻqituvchilari uchun uzluksiz kasbiy rivojlantirish kursining
namunaviy oʻquv dasturi
Tuzuvchilar:
A. Ismailov,
M. Ergasheva,
M. Abdullayeva,
L. Mirzoxidova, Gʻ. Otamurodov
Taqrizchilar:
Sh. Abdullayeva –
Nizomiy nomidagi Toshkent davlat
pedagogika universitetining tillar fakulteti dekani, p.f.d.,
professor
B. Xaydarov –
Toshkent shahar Pedagoglarni yangi
metodikalarga oʻrgatish milliy markazi aniq va tabiiy
fanlar metodikasi kafedrasi professori v.b., f.-m.f.n.
Pedagoglarni yangi metodikalarga oʻrgatish milliy markazlarining professor-oʻqituvchilari
uchun uzluksiz kasbiy rivojlantirish kursining namunaviy oʻquv dasturi A. Avloniy
nomidagi
milliy-tadqiqot instituti Kengashining 2023-yil 6-dekabrdagi navbatdan tashqari yigʻilishi 4/1-
son bayonnomasi bilan maʼqullangan va tasdiqqa tavsiya etilgan.
3
KIRISH
Ushbu namunaviy oʻquv dasturi Oʻzbekiston Respublikasining 2020-yil 23-
sentyabrdagi
“Taʼlim toʻgʻrisida”gi qonuni, Oʻzbekiston Respublikasi
Prezidentining 2020-yil 6-noyabrdagi “Oʻzbekistonning yangi taraqqiyot davrida
taʼlim-tarbiya va ilm-fan sohalarini rivojlantirish chora-tadbirlari toʻgʻrisida”gi PF-
6108-son farmoni, 2020-yil 6-noyabrdagi “Taʼlim-tarbiya tizimini yanada
takomillashtirishga oid qoʻshimcha chora-tadbirlar toʻgʻrisida”gi PQ-4884-son va
2021-yil 25-yanvardagi “Xalq taʼlimi sohasidagi ilmiy-tadqiqot faoliyatini qoʻllab-
quvvatlash hamda uzluksiz kasbiy rivojlantirish
tizimini joriy qilish chora-
tadbirlari toʻgʻrisida”gi PQ-4963-son qarorlari, shuningdek, Oʻzbekiston
Respublikasi Vazirlar Mahkamasining 2022-yil 17-yanvardagi “Xalq taʼlimi
xodimlarini uzluksiz kasbiy rivojlantirish tizimini tashkil etish tartibi toʻgʻrisidagi
nizomni tasdiqlash haqida”gi 25-son qarorida belgilangan ustuvor vazifalar
mazmunidan kelib chiqqan holda tuzilgan boʻlib,
u pedagoglarni yangi
metodikalarga oʻrgatish milliy markazlarining professor-oʻqituvchilari kasb
mahorati hamda innovatsion kompetentligini rivojlantirish, sohaga oid ilgʻor
xorijiy tajribalar, yangi bilim va malakalarni oʻzlashtirish, shuningdek, amaliyotga
joriy etish koʻnikmalarini takomillashtirishni maqsad qiladi.
Dastur mazmuni Oʻzbekiston Respublikasining taʼlim sohasidagi davlat
siyosati, pedagogning kommunikativ koʻnikmalarini rivojlantirish,
axborot-
kommunikatsiya texnologiyalari va mediasavodxonlik, oʻzini oʻzi rivojlantirish,
uzluksiz kasbiy rivojlanish, pedagog masʼuliyati
va moslashuvchanligi, inklyuziv
taʼlimni joriy etish masalalari, taʼlimning normativ-huquqiy hujjatlarini bilish va
kasbiy faoliyatda
foydalanish masalalari, fandagi yangiliklar, fanni oʻqitishning
dolzarb masalalari, oʻqituvchining kasbiy kompetensiyalarini baholashni oʻz ichiga
olib, ular boʻyicha tegishli yangi bilim, koʻnikma, malaka va kompetensiyalarni
shakllantirishga yoʻnaltirilgan.
Mazkur namunaviy oʻquv dasturi doirasida taqdim etilayotgan oʻquv
modullarining mazmuni kurs tinglovchilarining zamonaviy bilim va innovatsiyalar,
ilgʻor xorijiy tajribalardan
samarali foydalanish, axborot-kommunikatsiya
texnologiyalarini oʻquv jarayoniga keng tatbiq etish darajasini oshirish hisobiga
ularning kasb mahoratini muntazam yuksaltirishni nazarda tutadi.
