|
Malların keyfiyyəti haqqında ümumi məlumat
|
| bet | 1/5 | | Sana | 29.11.2023 | | Hajmi | 244.63 Kb. | | #107385 |
Bog'liq Layihə işi funksional yeni 2.yarimkecirici diod, Application of CaGa2S4, referat 6542, X-tti-c-br-v-riyazi-analiz-Kollokvium-cavablari-AZ1 (2)
Layihə işi
Ad: Gülpəri
Soyad: Abdullayeva
Qrup:438
Kurs: 1
İxtisas: İstehlak mallarının keyfiyyət ekspertizası
Fənn: Funksional istehlak malları
Mövzu: İstehlak mallarının keyfiyyət göstəriciləri və onların təyini metodları
Müəllim: Musayeva Vüsalə
Bakı-2023
Malların keyfiyyəti haqqında ümumi məlumat
Malın keyfiyyəti dedikdə, müəyyən istismar (istehlak) şəraitində təyinata müvafiq olaraq tələbatı ödəmək üçün onun yararlılığını təyin edən xassələrin məcmusu başa düşülür.
Konkret malın keyfiyyətini yalnız o xassələr təşkil edir ki, onlar malın təyinatına müvafiq olaraq müəyyən istehlak tələbini ödəyir.
Malın keyfiyyəti cəmiyyətin tələbini ödəməyi nəzərdə tutur və istehlak tələblərinə müvafiq deyilsə, o, yararlı xassələrə malik olsa da, yüksək keyfiyyətli sayıla bilməz.
Malın yararlılığı və istehlak xassəsi – eyni mənalı anlayış deyildir. Bəzən təcrübədə keyfiyyət dedikdə, malın yalnız normativ-texniki sənədlərin tələblərinə müvafiq olması başa düşülür. Belə keyfiyyət istehsal keyfiyyəti adlanır.
İstehsal keyfiyyəti bütövlükdə keyfiyyət anlayışının dolğunluğunu əks etdirmir. O, yalnız hazırlanmanın keyfiyyətini xarakterizə edir.
Malın keyfiyyəti ona xas olan fiziki, kimyəvi və bioloji xassələrin kompleksindən, həmçinin insanın müəyyən istehlak tələbini ödəmək tələbi ilə əlaqədar olan malın funksional, estetik, erqonomik və digər tələblərə müvafiq olmasından asılıdır.
Yüksək keyfiyyətli mal insanların istehlak tələbini daha dolğun ödəyir və böyük sorğuya malik olur, aşağı keyfiyyətli mallar isə özünə alıcı tapa bilmir və ticarət şəbəkəsində yığılıb qalır. Aşağı keyfiyyətli məhsulun buraxılması istehsalata, ticarətə və alıcı marağına böyük zərər vurur.
Məhsulun keyfiyyətinin yüksəldilməsi cəmiyyət üçün ən vacib məsələlərdən biridir.
Məhsulun keyfiyyət səviyyəsinə görə bütövlükdə ictimai istehsalın inkişaf səviyyəsi və təsərrüfatın iqtisadi səmərəliliyi haqqında mühakimə yürüdürlər. Məhsulun keyfiyyəti – dövlət miqyasında planlaşdırma və idarəetmə obyekti olmalıdır.
Malların keyfiyyətinin yüksəldilməsi onların xidmət müddətini uzadır, xammal və materiallara qənaət edir və əhali tələbini daha dolğun ödəyir və eyni zamanda əhalinin real əməkhaqqının yüksəldilməsinə, yerli malların dünya bazarına çıxarılmasına müsbət təsir göstərir.
Əhalinin maddi güzəranının və mədəni səviyyəsinin yüksəldilməsi və həmçinin texniki tərəqqinin təkmilləşdirilməsi ilə əlaqədar olaraq malların keyfiyyətinə tələbat arası kəsilmədən artır.
Məhsulun keyfiyyətinin sistematik olaraq yüksəldilməsi iqtisadiyyatın inkişafı üçün zəruri tələblərdən biri sayılır.
Məhsulun keyfiyyətinin yüksəldilməsində əsas şərtlərdən biri onun keyfiyyətinin düzgün idarə olunmasıdır. Malların keyfiyyətinin idarə olunması isə keyfiyyətə daimi nəzarətin edilməsini və onun səviyyəsinin vaxtaşırı qiymətləndirilməsini tələb edir.
|
| |
