Kanallar kommutatsiyasining kamchiliklari quyidagicha

Kanallar kommutatsiyasining kamchiliklari quyidagicha:

• - kanal bandligida foydalanuvchiga rad javobi berilishi;
• - fizik kanallarning o’tkazish qobiliyatini samarasiz ishlatilishi (kanal ulash o’rnatish jarayoni mobaynida band bo’ladi);
• - avvaldan ulash o’rnatilishi tufayli ma’lumot uzatish jarayonidan oldin shartli to’xtalish mavjudligi.

Paketlar kommutatsiyasi.

Paketlar kommutatsiyasi asosan, kompyuter trafigini uzatishga mo’ljallangan bo’lib, ma’lumot almashuvini samarali ravishda tashkil etishga imkon beradi.

Paketlar kommutatsiyasida foydalanuvchilararo uzatilayotgan xabarlar kichik qismlarga — paketlarga bo’linadi. Ma’lumot uzatish tarmoqlarida paket asosiy uzatish birligi hisoblanadi. Katta hajmdagi habarlar kichik paketlarga bo’linishi tarmoqda ma’lumot uzatish tezligining keskin oshishiga olib keladi. Xabarlar turli uzunlikga ega bo’lishi mumkin — bir necha baytdan o’nlab megabaytgacha, paketlar esa o’zgaruvchan uzunlikka ega bo’lishlari mumkin.

Har bir paket kerakli tugunga etib borishi uchun adres axboroti belgilangan sarlavha qismi bilan boshlanadi. Paket turli qismlardan iborat bo’lishi mumkin va quyidagilarni o’z tarkibiga olishi shart:

Har bir paket kerakli tugunga etib borishi uchun adres axboroti belgilangan sarlavha qismi bilan boshlanadi. Paket turli qismlardan iborat bo’lishi mumkin va quyidagilarni o’z tarkibiga olishi shart:

• uzatuvchini (source) ifodalaydigan manba manzili;
• uzatilayotgan ma’lumotlar;
• qabul qiluvchining (destination) manzili;
• tarmoq vositalariga ma’lumot uzatilishi lozim bo’lgan marshrut axboroti;
• xabarni dastlabki ko’rinishda taqdim etuvchi axborot;
• uzatish aniqligini ta’minlovchi xatoliklarni tekshirish axboroti.

Paketlar uchta guruhga bo’linib, paketning sarlavha, ma’lumot va treyler qismlarini shakllantiradi.

Paketli kommutatsiyaning afzalliklari:

• pulsatsiyali trafikni uzatishda tarmoqning o’tkazish qobiliyatini oshirish imkoniyatini beradi;
• foydalanuvchilararo trafik holatini inobatga olgan holda, tarmoq sharoitiga nisbatan fizikaviy kanallarning o’tkazish qobiliyatini taqsimlash imkoniyatini beradi.