7-rasm. Friksion ilashish muftasi sxemasi.
1-g`ilof, 2-siquvchi disk, 3-maxovik, 4-yetaklanuvchi disk, 5-plastinkalar,
6-ilashish muftasini ulash prujinalari, 7-richaglar, 8-podshipnikli ajratish muftasi, 9-vilka, 10-pedal, 11-prujina, 12-tortqi.
Kuch uzatmasining uzatmalar qutisi.
Uzatmalar qutisining vazifasi:
1) Uzatishlar sonini ko`paytirish yoki kamaytirish yo`li bilan avtomobil harakat tezligini va kardan valga uzatiluvchi burovchi moment miqdorini o`zgartirish;
2) Dvigateldan kelayotgan burovchi momentning yo`nalishini o`zgartirish (avtomobilning orqaga yurishini ta`minlash);
3) Dvigatel tirsakli valini yetakchi g`ildiraklardan uzoq muddatga ajratib qo`yishni ta`minlaydi.
Uzatmalar qutisining uzatishlar soni uning yetakchi va yetaklanuvchi vallarining aylanish chastotalarining nisbatiga teng. Uzatishlar sonini o`zgartirishning zarurligi, yo`l sharoitiga bog`liq bo`lgan avtomobil harakatiga qarshilik kuchlari keng diapazonda o`zgaradi. Porshenli dvigatelning burovchi momenti esa, eng yuqori yonilg`i uzatilganda, bor-yo`g`i 10-30% ga o`zgarishi mumkin. Avtomobil joyidan qo`zg`alishida tez tezlanish olish uchun va harakatiga sezilarli qarshilik kuchlarini yengish uchun, masalan, to`liq yuk bilan yuqoriga harakat qilganda, dvigatelning maksimal momentiga to`g`ri keladigan qiymatga qaraganda tortish kuchi bir necha bor katta bo`lishi kerak. Tortish kuchini bunday ko`paytirish uzatishlar sonini o`zgartirish bilan ta`minlanadi.
|
