|
Konstitutsiyaga muvofi q davlat quyidagi majburiyatlarni o‘z zimmasiga
|
| bet | 3/4 | | Sana | 30.03.2023 | | Hajmi | 1.93 Mb. | | #47702 |
Bog'liq @LIDER PEDAGOG huquq 9-sinf ochiq dars Multimedia injiniringiKonstitutsiyaga muvofi q davlat quyidagi majburiyatlarni o‘z zimmasiga
oladi:
– oilani muhofaza qilish;
– yetim bolalar va ota-ona vasiyligidan mahrum bo‘lgan bolalar parvarishi,
tarbiyala nishi va ta’lim olishini ta’minlash;
– yetim bolalar va ota-ona vasiyligidan mahrum bo‘lgan bolalarga nisbatan
xayriya faoliyatini rag‘batlantirish.
Ota-onalar o‘z farzandlarini voyaga yetgunlariga qadar boqish va tarbiyalashga
majburdirlar.
Davlat va jamiyat yetim bolalarni va ota-onalarining vasiyligidan mahrum
bo‘lgan bolalarni boqish, tarbiyalash va o‘qitishni ta’minlaydi, bolalarga
bag‘ishlangan xayriya faoliyatlarni rag‘batlantiradi.
O‘zbekiston Respublikasining Konstitutsiyasi, 64-modda.
2. OILA DAVLAT MUHOFAZASIDA
Oila muhofazasi davlatda turli qonunlarni qabul qilish, shuningdek,
jamo at jamg‘armalari va tashkilotlari tomonidan ma’naviy va moddiy
qo‘llab-quvvatlash tariqasida amalga oshiriladi. Binobarin, mustaqillik yillarida
respublikada “Bolalar jamg‘armasi”, “Mahalla”, “Ekosan”, milliy
“Qizil Yarim oy jamiyati” singari ko‘p bolali va kam ta’minlangan oilalarga,
bolalarga, yolg‘iz qariyalarga va hokazolarga imkoni boricha madad
berayotgan jamoat jamg‘armalari tashkil qilindi.
O‘zbekiston Respublikasi Prezidentining Farmoniga binoan 1993-yil
7-mayda mamlakatda birinchi orden – “Sog‘lom avlod uchun” ordeni
ta’sis etildi.
Onalik va bolalikni muhofaza qilishda, sog‘lom avlod kamol topishi
uchun moddiy shart-sharoitlar va ma’naviy muhitni ta’minlashda alohida
xizmatlar ko‘rsatgan shaxslar “Sog‘lom avlod uchun” ordeni bilan taqdirlanadilar.
3. NIKOH TUZISH SHARTLARI
Nikoh tuzish uchun kuyov va kelinning ixtiyoriy roziligi zarur, shuningdek,
ular muayyan yoshga to‘lgan bo‘lishi shart (qizlar – 17 yoshdan,
yigit lar – 18 yoshdan).
Ixtiyoriy rozilik nikoh tuzish masalasi hal etilayotganda uchinchi shaxslarning
taz yiqi bo‘lmasligi kerakligini anglatadi. Uchinchi shaxslar, shu
jumladan, ota-onalar tomonidan nikohlanishga to‘sqinlik jinoiy jazolanadigan
harakatga aylanishi mumkin. Qarindosh-urug‘lar maslahatlar berishlari,
nikoh to‘yiga tayyorlanishga yordam ko‘rsatishlari, moddiy va ma’naviy
jihatdan qo‘llab-quvvatlashlari mumkin.
Sizningcha, nikoh tuzish yoshi nega qizlar uchun 17 yoshdan, yigitlar uchun esa
18 yoshdan belgilangan? O‘z javobingizni asoslab bering.
Muqaddam qayd etilgan nikoh, nikoh tuzish taqiqlanishi shartlaridan
biri hisoblanadi. Qonunga muvofi q sog‘lom va ruhiy kasal yoki aqlan zaif
kishi o‘rtasidagi hamda qarindosh-urug‘lar o‘rtasidagi nikohlar haqiqiy
emas deb hisoblanadi.
Er-xotinlar, shuningdek, o‘zlarining voyaga yetmagan bolalari tarbiyasi
uchun, ular ning ishlari va qilmishlari uchun javobgar bo‘ladilar.
O‘z navbatida farzandlar ham o‘z ota-onalari haqida g‘amxo‘rlik qilishlari,
ularga yordam berishlari, qo‘llab-quvvatlashlari lozim. Balog‘at yoshiga
qadar bu majburiyat ma’naviy tavsifda bo‘lib, ular 18 yoshga to‘lganlaridan
keyin esa yuridik kuch kasb etadi.
Voyaga yetgan, mehnatga layoqatli farzandlar o‘z ota-onalari haqida
g‘amxo‘rlik qilishga majburdirlar.
|
| |
