|
Axborot-kommunikatsiya texnologiyalari sohasida kadrlar tayyorlash
|
| bet | 4/45 | | Sana | 07.03.2023 | | Hajmi | 6.18 Mb. | | #44516 |
Bog'liq Shoxista BMI 1 Garri Potter va Qaqnus ordeni. Joanna Ketlin Rouling. Toshkent-2019, Obodonlashtirish istiqbol rejasi 42 , BLOKCHEYNTEXNOLOGIYASININGISHLASHPRINTSIPIVAQOLLANILISHI, 2.9 Amaliy va laboratoriyaiya mashg‘ulotlarini tashkil etish texnologiyalari, Akbaraliyeva AsilaAxborot-kommunikatsiya texnologiyalari sohasida kadrlar tayyorlash
Kundalik hayotimizga kompyuter va axborot texnologiyalarining jadal kirib kelayotganligini hisobga olib, yuqori malakali mutaxassislar bilan ta’minlash muammosini hal etishga ehtiyoj ortadi.
Kadrlar zaxirasini yaratish uchun dastur:
ixtisoslashgan o‘quv yurtlari — Toshkent axborot texnologiyalari universiteti;
ixtisoslashgan kasb-hunar kollejlari va akademik litseylar;
universitetlarda va texnika oliy o‘quv yurtlarida ixtisoslashgan fakultetlar;
kadrlarni qayta tayyorlash va kadrlar malakasini oshirish tarmoqlari tashkil etilishini nazarda tutadi (9-ilova*).
*9-ilova berilmaydi.
2012—2018-yillarda kamida:
8500 informatika o‘qituvchisi;
AKT sohasi bo‘yicha 8950 yuqori malakali mutaxassislar (dasturchilar, ma’lumot bazalari, multimedia bo‘yicha mutaxassislar va h.k.);
AKT sohasi bo‘yicha 10725 kichik mutaxassislar tayyorlash kadrlar tayyorlash sohasidagi maqsadli yo‘nalishlar hisoblanadi (10-ilova*).
Bundan tashqari 8600 yuqori malakali mutaxassislarni, 6500 kichik malakali mutaxassislarni va 4800 o‘qituvchilarni qayta tayyorlovdan o‘tkazish mo‘ljallanmoqda.
Markaziy Osiyodagi yagona Toshkent axborot texnologiyalari universitetida barpo etilgan noyob o‘quv bazasini e’tiborga olib, bakalavriat, magistratura va doktorantura yo‘nalishi bo‘yicha mutaxassislar tayyorlashga mo‘ljallangan ta’lim dasturlarini amalga oshirish va quyidagi yangi ixtisoslar: dasturiy ta’minot, multimedia, tarmoqlarga xizmat ko‘rsatish, ma’lumot bazalari, elektron tijorat, ko‘chma radiotelefon aloqasi tizimlari, axborot xavfsizligi bo‘yicha ilmiy tadqiqotlar o‘tkazish nazarda tutilmoqda.
Axborot-kommunikatsiya texnologiyalari sohasida raqobat muhitini rivojlantirish
Dastur axborot-kommunikatsiya texnologiyalari (AKT) sohasida raqobat muhitining shakllantirilishini nazarda tutadi. Shu maqsadlarda:
AKT sohasida faoliyat ko‘rsatuvchi barcha xo‘jalik yurituvchi subyektlarga xo‘jalik yuritish uchun teng shart-sharoitlar yaratib beriladi;
dasturiy vositalar, ma’lumot bazalarini ishlab chiqish, multimedia, servis xizmatlari ko‘rsatishni, kompyuter, telekommunikatsiya texnikasini va tarmoqli uskunalar yetkazib berishni tashkil etishga oid davlat buyurtmalari va xususiy buyurtmalarni mamlakatimiz kompaniyalari o‘rtasida joylashtirishning tender (tanlovli) usullari rivojlantiriladi;
xavfsizlik zamonaviy tizimlarining yaratilishiga ko‘ra xalqaro axborot tarmoqlariga kirib borish tizimi takomillashib boradi. Shu asosda operatorlar va provaydyerlar xizmatlarining raqobat bozori rivojlanadi, ko‘rsatiladigan xizmatlar tariflari pasayadi;
ma’lumot uzatish axborot tarmoqlaridan foydalanish, Internetga jamoat tartibida ulanish shoxobchalarini tashkil etish sohasida litsenziyalash tizimi soddalashtiriladi.
Ma’lumot uzatish sohasidagi tarif siyosati quyidagi tamoyillarga asoslanadi:
ma’lumot uzatuvchi operatorlar, provaydyerlar va telekommunikatsiyalar bozoridagi yetakchi operator o‘rtasidagi tarmoqlararo bog‘lanishga oid tariflarni tartibga solish;
foydalanuvchilarga shartnomaviy asosda ko‘rsatiladigan ma’lumot uzatish va Internetga ulanish xizmatlariga operatorlar va provaydyerlar tomonidan tariflar belgilash;
ma’lumot uzatuvchi operatorlar va provaydyerlarni qishloqdagi Internetdan foydalanuvchilarga, budjet ta’minotidagi davlat boshqaruv organlari va o‘quv yurtlariga ko‘rsatiladigan xizmatlarga imtiyozli tariflar belgilashga rag‘batlantiruvchi shart-sharoitlarni vujudga keltirish.
|
| |
