Ammo koxlear implantatsiyaning ayrim kamchiliklarini ham aytib o‘tish kerak. 1. Koxlear implantatsiyadan so‘ng nutqni eshitish sezgilarining yaxshilanishi
natijalarining variabelligi (turli tumanligi). Shu kunga qadar implantatsiya
qilinganlarning nutqni sezishlarini prognoz qilish uchun bir qator omillar
aniqlanishiga qaramay, buning aniq prognozi keltirilgani yo‘q.
2. Eshitish nervi tolalarining elektr stimulyatsiya qilinishi prinsipial jihatdan
bu tolalarning me’yordagi holatdagi faoliyatidan farq qiladi. Natijada yaqinda kar
bo‘lib qolgan kishilarda ham implant orqali chaqirilgan eshitish sezgilari odatiy
tovushlarni sezishdan farq qiladi.
3. Implantdan foydalanuvchi kishilarda jamlangan tovushlarni sezishda
qiyinchilik tug‘iladi, masalan musiqiy tovushlar. Bundan tashqari, mikrofon
ma’lum masofadagi tovushlarni qabul qilishi mumkin, lekin katta masofalardan
turib eshitish imkoniyati mavjud emas. Hozirgi kundagi elektron
texnologiyalarning taraqqiy etishi bu kamchilikni bartaraf etishi ham mumkin.
Koxlearimplantatsiya uchun asosiy ko‘rsatmalar quyidagilar: Ikkiyoqlama chuqur sensonevral karlik- tovush sezishning 500 Gs, 1000 Gs,
2000 Gs va 110dBdan ortiq chastotalardagi o‘rta bosqichi, yoki eshitish
apparatlaridan foydalanilganida ikkiyoqlama sensonevral karlik - nutq tovushlarini
eshitish sezgilarining mavjud emasligi tovushlarni eshitishning 90dBdan ortishi –
o‘rta daraja.
Koxlearimplantantdan foydalanishning yosh davrlari juda keng: eng minimal
davri 1-2 yosh davri hisoblanadi. Yosh davrining maksimal darajasi insonning
salomatlik darajasi bilan belgilanadi. Shuningdek, reabilitatsion davrning
davomiyligi bilan belgilanadi. Shunga qaramay 70 yoshdan oshgan kishilarning
ham implantatsiya qildirgan holatlari uchraydi.
Majburiy shartlari: • Eshitish nervi tolalarining saqlangan bo‘lishi;
• Quloq shilliq qavatining silliqlashmaganligi;
• Retrokoxlear patologiyaning mavjud emasligi;
• Sabab bo‘luvchi jiddiy somatik kasalliklarning mavjud emasligi;
• Ota-onalar (bolalar uchun) va yaqin qarindoshlar(kattalar uchun) jiddiy
ko‘magining mavjudligi, ularning uzoq muddatli operatsiyadan keyingi davrdagi
implantatsiya qilingan kishi bilan audiolog va surdopedagoglar bilan
mashg‘ulotlarga tayyorliklari.
