|
Politologiya mühüm idraki funksiya yerinə yetirir
|
| bet | 5/39 | | Sana | 09.03.2021 | | Hajmi | 164,33 Kb. | | #13199 |
Politologiya mühüm idraki funksiya yerinə yetirir. Bu, siyasi inkişaf meyllərinin öyrənilməsi, müxtəlif siyasi hadisələrin, proseslərin dəyişilməsi ilə bağlıdır. İnsanlar hansı cəmiyyətdə yaşadıqlarını bilməlidirlər. Onların siyasi sistemin tamhüquqlu üzvü kimi sosial və siyasi funksiyalarını rasional şəkildə yerinə yetirmələri hər şeydən əvvəl siyasi biliklərinin, məlumatlarının səviyyəsindən aslıdır. Politologiya siyasətin subyekti olan fərdlərin siyasi dünyagörünüşünü formalaşdırır, onların siyasət, siyasi təsisatlar haqqında təsəvvürlərini zənginləşdirir. Politologiyanın verdiyi biliklər tərbiyəvi əhəmiyyət kəsb edir. Bunu hər bir politoloq öz fəaliyyətində nəzərə almalı və mülahizələrində obyektiv olmağa çalışmalıdır. Bu sözlər, fikrimizcə, çoxsaylı tələbə auditoriyasına daxil olan politoloq-müəllimə daha çox aiddir. Bu yerdə müasir politologiya elminin klassiki M. Veberin aşağıdakı sözləri yada düşür. O yazırdı ki, tələbələr auditoriyada siyasətlə məşğul olmamalıdırlar. Müəllim də öz növbəsində auditoriyada olarkən siyasətlə məşğul olmamalıdır. Bu onun siyasət sferasını bir alim kimi tədqiq etdiyi məqamlara daha çox aiddir. Çünki həqiqətdə siyasi məqsədlər və siyasi qurumların, partiya mövqelərinin elmi təhlili başqa-başqa şeylərdir.
|
| |
