|
Muxammad al-xorazmiy nomidagi toshkent axborot texnologiyalari universiteti urganch filiali
|
| bet | 1/5 | | Sana | 20.07.2024 | | Hajmi | 131,5 Kb. | | #268059 | | Turi | Referat |
Bog'liq referat
O‘ZBEKISTON RESPUBLIKASI RAQAMLI TEXNOLOGIYALAR VAZIRLIGI
MUXAMMAD AL-XORAZMIY NOMIDAGI TOSHKENT AXBOROT TEXNOLOGIYALARI UNIVERSITETI URGANCH FILIALI
“Kompyuter injiniringi” fakulteti
“Yoritish turlari, tizimlari va xususiyatlari” mavzusida tayyorlangan
REFERAT
Bajardi: Boltaboyeva Zuxra
Urganch 2024
Reja:
1.KIRISH…………………………………………………………………………3
2.Yoritilganlikning asosiy yorug‘lik-texnik ko‘rsatkichlari…………………..4
3.Tabiiy yoritish………………………………………………………………….6
4.Su’niy yoritish………………………………………………………………….8
Xulosa…………………………………………………………………………….11
FOYDLANILGAN ADABIYOTLAR VA SAYTLAR RO‘YXATI………….12
1.KIRISH
Yoritish – bu turli joylar va maydonlarni ko'rish uchun zarur bo'lgan yorug'lik bilan ta'minlash jarayoni. Yoritish inson faoliyatining ajralmas qismidir, chunki u mehnat qilish, dam olish, o'qish va boshqa kundalik ishlarni amalga oshirishda muhim rol o'ynaydi.
Yoritishning Asosiy Maqsadlari
Ko'rish imkoniyatini ta'minlash: Yoritishning asosiy maqsadi narsalarni ko'rish imkoniyatini ta'minlashdir. Yaxshi yoritish sharoitida ko'zlar kamroq charchaydi va ko'rish aniqligi oshadi.
Mehnat unumdorligini oshirish: Yaxshi yoritilgan ish joylari ishchilarni mehnat unumdorligini oshiradi va charchashni kamaytiradi.
Xavfsizlikni ta'minlash: To'g'ri yoritish xavf-xatarlarni kamaytiradi, yo'laklar, zinapoyalar va boshqa joylarda xavfsizlikni ta'minlaydi.
Estetika va muhit yaratish: Yoritish dizayn va dekoratsiyada muhim ahamiyatga ega. To'g'ri yoritish muhitni qulay va estetik jihatdan yoqimli qiladi.
Yoritilganlik insonning tashqi muhit bilan boglanishini aniqlovchi va inson miyasiga keluvchi tashqi dunyo to‘g‘risidagi ma’lumotlarning sifatini ifodalovchi asosiy ko‘rsatkichlardan biridir. To‘g‘ri va me’riy miqdordagi yoritilganlik ish qurollari va jihozlarning rangini, o‘lchamlarini tezda aniqlashga imkon beradi va ishchining mehnat qobiliyatini uzoq muddatgacha saqlanib qolishiga, mehnat unumdorligining oshishiga, ishlab chiqarilgan mahsulotning sifatli bo‘lishiga sharoit yaratib, mehnat xavfsizligini oshiradi.
Ish xonalari va joylarini yoritishga asosan quyidagi talablar belgilangan:
– ish ob’ektlarini tez va engil farqlash imkoniyatini berishi zarur;
– yoritilganlik bir tekis bo‘lishi, hech qanday keskin soya bermasligi lozim;
– ob’ekt va u joylashgan joy rangi (fon) orasida ma’lum darajada farq (“kontrast”) bo‘lishi kerak;
– yorug‘lik manbai ko‘riladigan ob’ektda hech qanday yorug‘lik qaytishini (yaltirashlar)hosil qilmasligi kerak;
– yorug‘lik manbai ishchi ko‘zini qamashtirmasligi lozim;
– ishchi yuzalarning yoriliganlik darajasi vaqt oralig‘ida o‘zgarmasligi zarur.
Yoritilganlikka qo‘yilgan ushbu talablar nafaqat tadqiqotlarda, balki amaliyotda ham o‘z isbotini topgan. Me’yoriy yoritilganlik faqat yorug‘lik oqimiga bog‘liq bo‘lmasdan, yorug‘likni xona shipi va devoridan qaytishiga, fon bilan buyum orasidagi kontrast (ranglar farqi)ga ham bog‘liq holda belgilanadi. Masalan, qora ipni qora fonda ko‘rish uchun oq rangda joylashgan fonga nisbatan kamida ming marta katta yoritilganlik talab etiladi.
|
| |
