|
“Fizika va texnologik ta’lim” jurnali | Журнал “Физико-технологического“Fizika va texnologik ta’lim” jurnali | Журнал “Физико-технологического
образование” | “Journal of Physics and Technology Education” 2021, № 4 (Online)
Journal of Physics and Technology Education | https//phys-tech.jspi.uz/
30
Ўзбеклар учун меҳмоннинг муҳим ёки номуҳими, катта ёки кичиги
дегани бўлмайди. Остонадан хонадонга қадам ранжида қилган ҳар қандай
инсон бир пиёла чой ичиб кетиши азалий одат ҳисобланади. Узоқ ҳаётий
тажрибага эга бўлган қарияларимиз доимо оилада шуни такидлайди: “Овқат
қилганда доимо кўпроқ қил, чунки кутилмаганда меҳмон келиб қолиши
мумкин”, деб насиҳат қилади.
Мехмонга чақирганда шахсан учрашиб ёки телефон орқали айтилади.
Хеч бўлмаса, телефон оркали айтиш имконияти бўла туриб, меҳмонни
кимдир оркали чорлаш чиройли муомала тарзидан эмас. Бу таклиф этилган
инсонга нисбатан ҳурматсизликдир. Шунингдек, бирон кишини меҳмонга
чақирмокчи бўлинса, унинг вақтини суриштириб, зиёфатни унга маъқул
келган вақтга тўғриланади. Меҳмон кутишга тайёргарлик кўраётганда,
хоналарнинг озодалигига алоҳида эътибор берилади. Жумладан, ваннахонага
тоза сочиқ, янги совун, атир ва ҳоказолардан кўйилади. Меҳмоннинг кўзи
дорда осилган ичкийим, чақалоқларнинг иштонлари ва ҳокозоларга тушиб
қолмайдиган бўлиши лозим.
Меҳмонлар белгиланган вақтдан эрта келиб қолиши мумкинлигини
инобатга олиб, ярим соатлар олдин чиройли кийиниб, уларни кутишга тайёр
бўлиб турилади. Меҳмонлар олдида аёлингиз ёки болаларингизга бақириб,
уларни урушиб, асабийлашмаслик лозим. Бу меҳмонни қувиш билан баробар.
Таом тановул килинаётганда мехмоннинг ейиш суръатига караб, секин-
секин тановул қилишиб, ундан аввал тугатиб қўймаслик, шунингдек,
меҳмонга таомни келтирилгач, у билан бирга тановул қилиш керак. Бир
меҳмон: “Меҳмон учун мезбоннинг тўқлигидан кўра зарарлироқ нарса йўқ”,
деган экан. Чунки меҳмоннинг олдига овқат олиб келинса-ю, мезбон овқат
еб, тўйиб олган бўлса, меҳмон билан бирга ейишаолмайди. Натижада меҳмон
уялиб, бемалол овқатлана олмаслиги мумкин. Меҳмон асосий таомни
тановвул қилиб, бироз ҳордиқ чикариб, нафасини ростлаб олгач,
фарзандларни ими-жимида чақириб, уларни меҳмонга таништириш лозим.
Фарзандларини чиройли кийинтиришни унутмаслик лозим.
Агар янги уйга кўчган бўлсангиз ёки анчадан бери шундай янги
қурилган кўркам хонадонда истиқомат қилаётган бўлсангиз ва уйингизга
биринчи марта кимдир меҳмон бўлиб келган булса, вақт топиб унга
хоналарни кўрсатиб сайр қилдиринг. Эхтимол, мехмонингиз уйингизни
томоша килгиси келар, лекин буни очиқ айтишга ийманиши мумкин.
Албатта, ётоқхона ва аёллар ўтирган хоналар кўрсатилмайди.
|
| |
