539
Respublikamizda yuksak malakali va yangicha dunyoqarashga ega bo‘lgan milliy kadrlarni tayyorlash,
hayotimizda muhim ahamiyatga ega bo‘lgan masalalar qatorida ta’lim- tarbiya tizimini tubdan isloh qilish,
uni zamon talablari darajasiga ko‘tarish, barkamol avlodni tarbiyalab voyaga yetkazish dolzarb masala bo‘lib
qoldi. Iqtisodiyotni erkinlashtirish va islohotlarni yanada chuqurlashtirish jarayonida hamda ta’lim tizimini
o‘rganish asosida mamlakatimiz iqtisodiyotida erishilgan yutuqlarni atroflicha tahlil etish, mavjud muammo
va kamchiliklarni batamom bartaraf etish hamda iqtisodiyotni rivojlantirish usullarini ilg‘or xorijiy
tajribalardan samarali foydalanish orqali ta’lim tizimini yanada takomillashtirish masalalari ilgari suriladi.
Xozirgi kunda innovatsion texnologiyalar hisoblanmish pedagogik va axborot texnologiyalarini o‘quv
jarayonida qo‘llashga bo‘lgan qiziqish, e’tibor kundan-
kunga kuchayib bormoqda, bunday bo‘lishining
sabablaridan biri, shu vaqtgacha an’anaviy ta’limda talabalarni faqat tayyor bilimlarni egallashga o‘rgatilgan
bo‘lsa, zamonaviy texnologiyalar ularni egallayotgan bilimlarini o‘zlari izlab topishlari, mustaqil o‘rganib
tahlil qilishlariga, hatto xulosalarni ham o‘zlari chiqarishlariga o‘rgatadi.
Quyida boshlang‘ich sinf matematika darslarida foydalanadigan innovatsion metodlardan namunalar
keltiramiz.