238
3.4§ Tarmoq operatsion tizimlarining arxitekturasi
3.4.1. Bir rutbali va serverli tarmoq operatsion tizimlari
Tarmoq kompyuterlari orasidagi vazifalarning qanday taqsimlanganligiga
bog‗liq ravishda ular uchta turli xil vazifalarni bajarishi mumkin:
- faqat boshqa kompyuterlarning so‗rovlariga xizmat ko‗rsatish bilan
shug‗ullanadigan kompyuter tarmog‗ining ajratilgan serveri vazifasini o‗taydi;
- boshqa mashinaning resurslariga so‗rovlar bilan murojaat qiladigan
kompyuter mijozli bog‗lama vazifasini bajaradi;
-mijoz va server vazifasini birgalikda bajaruvchi kompyuter bir rutbali
bog‗lama hisoblanadi.
Ko‗rinib turibdiki, tarmoq faqat mijoz yoki server tugunlaridan iborat bo‗la
olmaydi. Kompyuterlarning o‗zaro ishlashini ta‘minlaydigan tarmoq quyidagi
sxemalarning biri bo‗yicha qurilishi mumkin:
- bir rutbali bog‗lamalar asosidagi tarmoq bir rutbali tarmoqdir;
- mijozlar va serverlar asosidagi tarmoq ajratilgan serverli tarmoq bo‗ladi;
- barcha turdagi bog‗lamalarni ichiga oladigan tarmoq aralash tarmoq
hisoblanadi.
Bu sxemalarning har biri qo‗llanish sohasini belgilaydigan o‗z afzalliklari va
kamchiliklariga ega.
