Fan bo’yicha talabalarning bilim, ko’nikma va malakalariga qo’yiladigan talablar

“O’zbek mumtoz va milliy uyg’onish adabiyoti” fani bo’yicha talaba o’zbek mumtoz adabiyotining milliy madaniyatimiz tarixi va takomilidagi o’rni, adabiy hodisalar, badiiy va ilmiy asarlarning jamiyat, millat va shaxs hayotidagi ahamiyati, mumtoz adabiyot taraqqiyotining asosiy bosqichlari, mumtoz adabiy janrlarning shakllanishi va takomili, adabiy tasavvur va badiiy tafakkur shakllanishi davrining xos xususiyatlari, mumtoz didaktik badiiy ijod, dostonchilik va qissachilikning vujudga kelish omillari, tasavvufiy talqinlar va badiiy tafakkur yuksalishi davri adabiyotining belgilari, milliy uyg’onish davri o’zbek adabiyoti shakllanishining ijtimoiy-tarixiy va adabiy-estetik omillari, o’zbek milliy uyg’onish adabiyoti namoyandalari, o’zbek milliy uyg’onish adabiyotiga xos yangi janrlar, o’zbek milliy uyg’onish adabiyotining taraqqiyot bosqichlari, xos belgilari va qonuniyatlari haqida tasavvurga ega bo’lishi, mumtoz adabiyot tushunchasi va uning xususiyatlarini, o’zbek adabiyoti tarixining taraqqiyot bosqichlarini, adabiyot tarixini o’rganishning metodologik asoslari va uni davrlashtirish tamoyillarini, O’zbek adabiyoti davrlarining o’ziga xos jihatlarini, mumtoz adabiyot janrlari poetikasini, aruz vaznining umumiy qonuniyatlarini, badiiy san’atlarning hosil bo’lish yo’llarini va mumtoz she’riyatda qo’llanish usullarini, mumtoz she’riyatda qofiya va radifning tutgan o’rnini, milliy uyg’onish davri she’riyatida vazn, poetik janrlar va obrazlarning yangilanishi qonuniyatlarini, jadid nasri, jadid dramasi va jadid adabiyotshunosligining shakllanishi hamda taraqqiyoti omillarini, milliy uyg’onish davrida yangicha adabiy-estetik tafakkurning yuzaga kelishi sharoiti va sabablarini bilishi va ulardan foydalana olishi, mumtoz nazmiy asarlar matni ustida ishlash, o’zbek mumtoz she’riyatiga oid istilohlar mohiyatini bilish, og’zaki va yozma nutq jarayonida ularni qo’llash, mumtoz asarlar uchun tuzilgan lug’atlardan foydalana bilish, tasavvufiy istilohlar ma’nosini va ularning mumtoz she’riyatdagi talqinlarini farqlay olish, muayyan she’riy matnlarni yoddan bilish va amalda istifoda etish, aruzda va barmoq vaznida yaratilgan she’riy asarlarning o’ziga xos xususiyatlarini ajrata olish, mumtoz nasriy asarlar matni ustida ishlash, o’zbek mumtoz va milliy uyg’onish adabiyotining mushtarak hamda farqli jihatlarini ajrata bilish, o’zbek mumtoz va milliy uyg’onish adabiyotida qo’llangan ramz va timsollar mohiyatini anglash, milliy uyg’onish davri o’zbek adabiyotiga oid she’riy, nasriy, dramatik va ilmiy asarlarni tahlil qila olish ko’nikmalariga ega bo’lishi kerak.