Maxsus taʼmirlash-ekspluatatsiya xizmati — Binolarning texnik holati va infratuzilmasini
nazorat qilish va jihozlash boʻyicha
(Maktabgacha taʼlim tashkilotlari boʻyicha)
LAVOZIM YOʻRIQNOMASI
1-bob. Umumiy qoidalar
114. Mazkur lavozim yoʻriqnomasi Oʻzbekiston Respublikasi Maktabgacha va maktab
taʼlimi muassasalari Maxsus taʼmirlash-ekspluatatsiya xizmati Binolarning texnik holati va
infratuzilmasini nazorat qilish va jihozlash boʻyicha muhandis lavozim majburiyatlari, huquqlari va
javobgarliklarini belgilab beradi.
115. Maxsus taʼmirlash-ekspluatatsiya xizmati — Binolarning texnik holati va
infratuzilmasini nazorat qilish va jihozlash boʻyicha muhandis (keyingi oʻrinlarda — Binolarning
texnik holati va infratuzilmasini nazorat qilish va jihozlash boʻyicha muhandis) tuman (shahar)
Maktabgacha va maktab taʼlimi boʻlimining (keyingi oʻrinlarda — boʻlim) buyrugʻiga koʻra
lavozimga tayinlanadi va lavozimdan ozod etiladi.
Binolarning texnik holati va infratuzilmasini nazorat qilish va jihozlash boʻyicha muhandis
bevosita Boʻlim boshligʻiga hamda Bosh muhandisga boʻysunadi hamda oʻz faoliyatini boʻlim
boshligʻi tomonidan tasdiqlangan boʻlim ish rejasi va boʻlim boshligʻi tomonidan tasdiqlangan
shaxsiy ish rejasi asosida amalga oshiradi.
116. Binolarning texnik holati va infratuzilmasini nazorat qilish va jihozlash boʻyicha
muhandis qurilish va taʼmirlash, muhandislik texnologiya sohasiga ega boʻlgan, qurilish va
infrastruktura sohasida oliy maʼlumotga ega boʻlgan, malakali, qurilish-taʼmirlash ishlari bilan
aloqalar sohada kamida uch yillik ish stajiga ega boʻlgan, sohaga oid normativ huquqiy hujjatlarni
tushungan, hujjatlar bilan ishlash layoqatiga ega hamda zamonaviy axborot texnologiyalaridan
foydalana oladigan shaxslar tayinlanadi.
117. Binolarning texnik holati va infratuzilmasini nazorat qilish va jihozlash boʻyicha
muhandis Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy
Majlisi qarorlariga, Oʻzbekiston Respublikasi Prezidenti Farmonlari, qarorlari va farmoyishlariga,
Oʻzbekiston Respublikasi Vazirlar Mahkamasining qarorlari va farmoyishlariga, vazirlikning
hayʼati qarorlari, vazirning buyruq va farmoyishlariga hamda vazir koʻrsatmalariga (keyingi
oʻrinlarda— Oʻzbekiston Respublikasi Prezidenti va Hukumati hamda vazirlikning hujjatlari)
hamda mazkur yoʻriqnomaga amal qilgan holda faoliyatini olib boradi.
118. Binolarning texnik holati va infratuzilmasini nazorat qilish va jihozlash boʻyicha
muhandis bosh muhandis turli sabablarga koʻra boʻlmaganda, uning vazifalarini bajaradi.
