| Geografiya ta’limida qo’llaniladigan ko’rgazmali qurollar va ularning turlari. Har bir geografiya o’qituvchisi ushbu fan bo’yicha ta’lim jarayonida qo’llanilayotgan eng muhim ko’rgazmali qurollar va ularning turlari haqida zarur tasavvurga ega bo’lishlari kerak. O’sib kelayotgan ta’lim va tarbiya berish samaradorligini hamda sifatini ko’tarishga, o’quvchilarning bilish faoliyatining rivojlantirishga qaratilgan. Ta’lim metodlarini takomillashtirish, ularning aqliy qobiliyatini taraqqiy ettirish har bir o’quvchining vazifasidir. Maktab o’quv kabinetlarining texnik asbob – uskunalar va eng yangi metodik qo’llanmalar bilan ta’minlanganligi hamda bir qator didaktik materiallarning mavjudligi bunga ancha yordam beradi. Lekin shu bilan birga dars berish jarayonida qo’lbola didaktik materiallardan foydalanish ta’lim – tarbiya samaradorligini yana ham oshiradi. Har bir geograf bakalavrga o’z o’qituvchilik faoliyatida qo’lbola didaktik ko’rgazma materiallardan foydalanishga ehtiyoj tug’iladi. Hozirgi vaqtda geografiya ta’limida didaktik ko’rgazmali qurollarning quyidagi usuli va shakllaridan foydalaniladi.
Pape – mashedan relyef shakllarini tayyorlash metodikasi.
Pape – mashedan tayyorlash uchun keraksiz gazeta yoki yozuv qog’ozlarini olib qo’l bilan juda kichik zarrachali bo’laklarga maydalanadi va temir idishga suv solib qaynatiladi qaynagan suvga yog’och yelim qo’shib aralashtiriladi. Shundan so’ng eritmani sekin qaynatilib boriladi va unga maydalangan qog’oz bo’laklari qo’shiladi. Muntazam ravishda taxminan 3 soat mobaynida aralashtirib boriladi. So’ngra tayyor mahsulotdan 4 – 5 soat mobaynida o’quvchilar har xil rel’ef shakllarini yasashlari mumkin. Hosil bo’lgan rel’ef shakllarini kerakli rangli bo’yoqlar bilan bo’yaladi.relyef shakllarini pape – nashirdan ishlangandan oldin gipsdan andoza tayyorlab olinadi.
|
