|
Fanning maqsadi – talabalarda bozor iqtisodiyoti sharoitida statistikaning nazariy, uslubiy va amaliy masalalarini har taraflama o‘rgatish, bozor hodisalari o‘rtasidagi sabab-oqibat bog‘lanishlarini ochish uchun korrelyatsion-regression tahlilni qo‘llay olish, statistik kuzatish natijasida olingan ma’lumotlarni kompyuter dasturlari yordamida echish, olingan natijalar bo‘yicha xulosa va takliflar qilish hamda boshqaruv qarorlarini qabul qilishda yo‘nalish profiliga mos bilim, ko‘nikma va malakalarini shakllantirishdan iborat.
Fanning vazifasi - talabalarda statistikaning predmeti va metodi, uning ahamiyati va roli haqida chuqur bilimga ega bo‘lish, ijtimoiy-iqtisodiy jarayonlardagi sodir bo‘ladigan hodisalar to‘g‘risidagi ilmiy va tajribaviy gipotezalarni statistik tekshirish, statistika amaliyotida qo‘llaniladigan hisobot shakllarini to‘ldirish to‘g‘risida tasavvurga ega bo‘lishni ta’minlash va ushbu sohada vujudga kelishi mumkin bo‘lgan amaliy muammolarni echishda statistik usullar hamda zamonaviy axborot texnologiyalaridan samarali foydalana olishni o‘rgatishdan iborat.
Statistika fanini o‘zlashtirish jarayonida amalga oshiriladigan masalalar doirasida talaba:
statistikaning uslublari va vazifalari haqida;
statistik ma’lumotlarni qayta ishlash asosiy uslublari haqida;
davlat byudjeti, korxona va tashkilot moliyasi statistikasi haqida tasavvurga ega bo’lishi;
statistik masalalarni echish masalalar ustida statistik kuzatish tashkil etish;
statistik jadval va grafiklarni tushunarli qilib tuzish;
turli statistik adabiyotlardan foydalanib ma’ruzalar tayyorlash;
guruhlash turlari, statistik tasniflash va uning o’ziga xos xususiyatlarini talqin qilishhaqida bilishi va ulardan foydalana olashi;
iqtisodiy hodisalar o’rtasida o’zaro bog’lanish uslubiyatini o’zlashtirish;
dinamika qatorlari va turlarini aniqlash;
balans usulining mohiyati va uni ijtimoiy-iqtisodiy hodisalarni statistik o’rganishda qo’llash;
bozor iqtisodiyoti sharoitida statistik ko’rsatkichlarni baholash, tahlil va talqin etish bo’yicha ko’nikmalariga ega bo’lishi kerak;
MHT ning asosiy hisoblamalarini tuzish va ularning ko’rsatkichlarini aniqlash;
mutlaq va nisbiy ko’rsatkichlarni bilish;
o’rtacha miqdorlar va variatsiya ko’rsatkichlarini o’rganish;
tanlama kuzatish mohiyatini va uni qo’llash sabablari va afzalliklarini aniqlash haqidamalakalariga ega bo’lishi kerak.
| 