157
Bitiruvchi kurs talabalariga bahorgi semestr natijalari bo‘yicha o‘zlashtirmagan fandan
(fanlardan) qayta topshirish uchun yakuniy davlat attestatsiyasi boshlangunga qadar ruxsat
beriladi.
Fanlardan akademik qarzdorligi 4 ta va undan ko‘p bo‘lgan talabalarga qayta topshirishga
ruxsat berilmaydi va ular oliy ta’lim muassasasi rektorning buyrug‘i bilan kursdan qoldiriladi.
Talabaga yakuniy nazorat turini qayta topshirish uchun berilgan muddat davomida talaba
tomonidan qayta topshirishlar soni 2 martadan ko‘p bo‘lmasligi kerak.
Talaba yakuniy nazorat turini birinchi marta qayta topshirishdan o‘ta olmagan taqdirda,
fakultet dekani tomonidan komissiya tuziladi. Komissiya tarkibi tegishli fan bo‘yicha professor-
o‘qituvchi va soha mutaxassislari orasidan shakllantiriladi.
Ikkinchi marta yakuniy nazorat turini o‘tkazish va talabani baholash mazkur komissiya
tomonidan amalga oshiriladi.
Berilgan muddat davomida mavjud bo‘lgan qarzdorlikni topshira olmagan talaba
bo‘yicha fakultet dekani bildirgi bilan oliy ta’lim muassasasi rektorini xabardor qiladi va ushbu
talaba rektor buyrug‘i asosida kursdan qoldiriladi.
Baholash natijasidan norozi bo‘lan talabalar fakultet dekani tomonidan tashkil etiladigan
Apellyatsiya komissiyasiga apellyatsiya berishhuquqiga ega.
Apellyatsiya komissiyasi tarkibga talabani baholashda ishtirok etmagan tegishli fan
professor-o‘kituvchilari orasidan komissiya raisi va kamida to‘rt nafar a’zo kiritiladi.
Talaba baxolash natijasidan norozi bo‘lgan taqdirda, baholash natijasi e’lon kilingan
vaqtdan boshlab 24 soat davomida apellyatsiya berishi mumkin. Talaba tomonidan berilgan
apellyatsiya Apellyatsiya komissiyasi tomonidan 2 kun ichida kurib chiqilishi lozim.
Talabaning apellyatsiyasini ko‘rib chiqishda talaba ishtirok etish huquqiga ega.
Apellyatsiya komissiyasi talabaning apellyatsiyasini ko‘rib chiqib, uning natijasi bo‘yicha
tegishli qaror qabul qiladi. Qarorda talabaning tegishli fanni o‘zlashtirgani yoki o‘zlashtira
olmagani ko‘rsatiladi.
Apellyatsiya komissiyasi tegishli qarorni fakuљtet dekani va talabaga yetkazilishini
ta’minlaydi.
