|
O'zbekiston Respublikasi oliy va o'rta maxsus ta'lim vazirligi
|
| Sana | 28.05.2023 | | Hajmi | 22.88 Kb. | | #66165 | | Turi | Referat |
Bog'liq korxonanig asosiy fondi va ishlab chiqarish quvvati handbook, Muloqot-texnologiyasi, 2 5397972338505427653, 1-maruza, Tuzdi Islom Axmedov Reja krushal algaritmi, JizPI talabalar konferensiyasi, Iqtisodiy samaradorlikning mohiyati va korxonalar faoliyatidagi ahamiyati., Guliston davlat universiteti b. A. Xasano, A. A. Xashimov, A. B, exam table, Dene Tárbiya test Monitor, Dene Tárbiya test Monitor, MaeAChrk1ojedu9LIg9iiSTWwYkPyHkAXpOTDqAR, Inersiya kuchlari. Noinersial sanoq tizimlari[1], mm
O'zbekiston Respublikasi oliy va o'rta
maxsus ta'lim vazirligi
Navoiy davlat konchilik instituti
“Iqtisodiyot va menejment” kafedrasi
“Iqtisodiyot va menejment” fanidan
REFERATI
Mavzu: KORXONANING ASOSIY FONDLARI VA
ISHLAB CHIQARISH QUVVATI
Talaba: Xolov A.
Qabul qildi: Rashidov M.K..
Navoiy -2015
KORXONANING ASOSIY FONDLARI VA
ISHLAB CHIQARISH QUVVATI
Reja:
1. Asosiy fondlarning iqtisodiy mohiyati va tartibi.
2. Ishlab chiqarish vositalari va ularning tavsifi.
3. Asosiy fondlar amartizatsiyasi va ulardan foydalanish
ko'rsatkichlari.
4. Ishlab chiqarish quvvati va uni hisoblash.
Kirish
Asosiy ishlab chiqarish fondlari hajmi va ulardan foydalanish darajasi korxonaning ishlab
chiqarish quvvati kattaligini belgilaydi. U ishlab chiqarish dasturini asoslashda katta rol`
o'ynaydi hamda korxonaning belgilangan nomenklatura va sifatli mahsulot ishlab chiqarish
bo'yicha potentsial imkoniyatlarini tavsiflaydi.
Korxonalarning asosiy belgisi ularning o'zlariga tegishli mulkning mavjudligidir. Aynan shu
narsa korxonalarning moddiy- texnik imkoniyatlarini belgilab beradi hamda ularning
iqtisodiy erkinligi va kelajagini taminlaydi. Muayyan mulkdan foydalanmasdan hech bir
korxona o'zining xo'jalik faoliyatini amalga oshira olmaydi.
Sanoatning turli tarmoqlariga tegishli korxonalarda asosiy ishlab chiqarish fondlari tuzulmasi
bir xil bo'lmaydi. Masalan yengil va oziq – ovqat sanoatida binolar asosiy o'rin egalaydi
(44-46%), yonilg'i sanoatida inshootlar (17-19%), elektro energetika sanoati korxonalarida
uzatish qurilmalari (30-33%), mashinasozlik korxonalarida mashina va jihozlar asosiy o'rin
egallaydi.
1. Asosiy fondlarning iqtisodiy mohiyati va tartibi
Korxonalar egalik qiladigan mulk ko'chmas va ko'chirib bo'ladigan mulklarga ajraladi. Ko'chmas
mulkka yer uchastkalari, yer osti boyliklari, maxsus suv ob'ektlari va umuman yer bilan bog'liq
bo'lgan buzilmas narsalar, shu jumladan o'rmonlar, ko'p yillik daraxtlar, inshootlar, binolar
kiradi. Ko'chirib bo'ladigan mulkka ko'chmas mulkka kirmaydigan narsalar hamda pul mablag'lari
va qimmatli qog'ozlar kiradi.
Korxona mulkini aylanma aktivlar va uzoq muddatli aktivlarga ham ajratish mumkin. Bunda
korxona mulkining nafaqat ijtimoiy ko'rinishi balki ishlab chiqarish jarayonidagi roli, ahamiyati
va korxona iqtisodiyotiga ta`siri ham hisobga olinadi.
Uzoq muddatli aktivlar yirik va o'rta korxonalar mulkining 65-85% ini tashkil qiladi. Uning
tuzilishi 1-chizmada keltirilgan.
Uzoq muddatli aktivlar
Asosiy fondlar
Nomoddiy aktivlar
Kapital qo'yilmalar
Uzoq muddatli moliyaviy qo'yilmalar
1-chizma. Uzoq muddatli aktivlarning tuzilishi
Uzoq muddatli aktivlar korxona xo'jalik faoliyatida uzoq muddat mobaynida qatnashadi. Bu
amortizatsiya jarayonining davomiyligi va aylanma tezligining sekinligi bilan bog'liq. Shuning
uchun ular uzoq muddatli yoki sekin aylanadigan aktivlar yoki immobilizatsiya fondlari deb
ataladi.
Korxonalarda uzoq muddatli aktivlarning tuzilishi va tarkibi bir-biridan jiddiy farq
qiladi. Biroq, barcha korxonalar uzoq muddatli aktivlari tarkibida asosiy fondlar salmoqli
hissani tashkil etadi.
Asosiy fondlar - bu moddiy (ashyoviy) boylik bo'lib, o'zining tabiiy ko'rinishi, uzoq vaqt
mobaynida o'zgartirmaydi hamda qiymatini ishlab chiqarilayotgan mahsulot qiymatiga qismlab
o'tkazadi.
Asosiy ishlab chiqarish fondlari umumiy ishlab chiqarishning moddiy-texnika bazasi hisoblanadi.
Korxonaning ishlab chiqarish quvvati, mehnatning qurollanganlik darajasi asosiy ishlab chiqarish
fondlarining hajmiga bog'liq. Asosiy fondlarning va mehnatning qurollanganlik darajasining
oshishi mehnatga ijodiy xarakter bag'ishlaydi va jamoaning madaniy – texnik darajasini
oshiradi.
Iqtisodiyotning erkinlashtirilishi sharoitida asosiy fondlar ishlab chiqarish samaradorligini
oshiruvchi, iqtisodiy o'sishni ta`minlovchi barcha omillar ichida asosiy o'rinni egalaydi.
Asosiy fondlar jamiyat moddiy resurslarining asosiy qismini tashkil etadi. Ularning 65% dan
ko'prog'i asosiy ishlab chiqarish fondlariga to'g'ri keladi.
2. Ishlab chiqarish vositalari va ularning tavsifi
Asosiy fondlar kengaytirilgan takror ishlab chiqarishdagi ishtirokiga ko'ra ishlab chiqarish va
noishlab chiqarish asosiy fondlariga bo'linadi.
Ishlab chiqarish asosiy fondlari moddiy ishlab chiqarish sohasida qatnashadi. U o'zining amal
qilish sikli davomida ishlab chiqarish jarayonida bir necha marta ishlatiladi. Ishlab chiqarish
asosiy fondlari bosqichma – bosqich eskirib, o'z qiymatini ishlab chiqarilayotgan mahsulotga
qismlab o'tkazib boradi. Ular amortizatsiya ajratmalari hisobiga qoplanadi.
Noishlab chiqarish asosiy fondlariga korxona balansida turgan, xodimlarga xizmat qiladigan
turar joylar, bog'cha, sport muassasalari va boshqa madaniy-maishiy xizmat ko'rsatuvchi
ob'ektlar kiradi. Ishlab chiqarish fondlaridan farqli o'laroq ular ishlab chiqarish jarayonida
qatnashmaydi va o'zining qiymatini mahsulotga o'tkazmaydi. Ularning qiymati iste'molda yo'q
bo'lib ketadi. Ularning o'rni to'ldirilmaydi. Ular korxona foydasi hisobiga takror ishlab
chiqariladi.
Korxona asosiy ishlab chiqarish fondlari quyidagi guruhlarga bo'linadi:
? yer uchastkalari, egalik qilish huquqiga ega korxonaga tegishli bo'lgan tabiatdan foydalanish
ob'ektlari (suv,yer osti boyliklari; boshqa tabiiy resurslar);
? binolar (ishlab chiqarish – texnik, yordamchi binolar va boshqalar);
? inshootlar (injenerlik qurilish ob'ektlari, ishlab chiqarishga yordamlashuvchi inshootlar);
? uzatish qurilmalari (elektr uzatish shaxobchalari);
? mashina va jihozlar;
? o'lcham va nazorat qilish asboblari, qurilmalari va laboratoriya jihozlari;
? hisoblash texnikasi;
? transport vositalari (ichki va tashqi ishlab chiqarish)
? qiymati eng kam oylik ish haqining 50 barobaridan ko'p bo'lgan asbob va moslamalar;
? ishlab chiqarish va xo'jalik inventarlari;
? xo'jalik ichidagi yo'llar.
Asosiy fondlar tuzulmasini to'g'ri tashkil etish ishlab chiqarishning o'sishiga, tannarxning
pasayishiga va korxona pul mablag'larining ortishga olib keluvchi shart sifatida qaraladi.
3. Asosiy fondlar amartizatsiyasi va ulardan foydalanish
ko'rsatkichlari
Ma'lumki, asosiy fondlar ishlatilishi jarayonida eskirib boradi va o'zining boshlang'ich
qiymatini bosqichma-bosqich yo'qotib boradi. Ularning real qiymatini aniqlash uchun eskirgan
qismining qiymatini aniqlash zarurati to'g'iladi. Ularning boshlang'ich yoki tiklanish qiymatidan
eskirish so'mmasi ayrilib asosiy fondlarning qoldiq qiymati aniqlanadi.
Eskirishning jismoniy va ma'naviy ko'rinishlari farqlanadi.
Jismoniy eskirish deganda asosiy fondlarning boshlang'ich iste'mol qiymatining bosqichma-bosqich
yo'qolib borishi tushuniladi. Bunda nafaqat ularning ishlash jarayonidagi eskirishi, balki bekor
turishi natijasida ham eskirganligi kiradi. Asosiy fondlarning fizik eskirishi asosiy
fondlar sifatiga, ularning texnik takomillashganligiga, texnologik jarayonning
xususiyatlariga, ularning ishlash vaqtiga, tashqi ta'sirlardan himoyalanganligiga hamda asosiy
fondlarni parvarish qilish va ularga xizmat ko'rsatish darajasiga bog'liq.
Asosiy fondlarning jismoniy eskirishi hatto ularning bir xil elementlarida ham har xil
bo'ladi. Asosiy fondlarning to'liq va qisman eskirishi farqlanadi. To'liq eskirganda ishlab
turgan, asosiy fondlar yo'qotiladi va joyiga yangisi (kapital qurilish yoki eskirgan asosiy
fondlarni joriy almashtirish vositasida) keltiradi. Qisman eskirish ta'mirlash yo'li bilan
qoplanadi.
Asosiy fondlarning jismoniy eskirishi haqiqiy xizmat qilgan davrni normativdagi davrga
bo'lish va 100 ga ko'paytirish yo'li bilan hisoblanishi mumkin. Nisbatan to'g'ri usul bu
ob'ektning tabiiy holatini tekshirishdir.
Ma'naviy eskirish bu - mashina va uskunalar qiymatining ularni takror ishlab chiqarish uchun
ketadigan umumiy, zaruriy xarajatlarining qisqarishi, yangi va unumdor mashina va
uskunalarning joriy qilinishi ta'sirida pasayishidir. Ushbu omillar ta'sirida asosiy fondlar
o'zining texnik tavsifi va iqtisodiy samaradorligi jihatdan qoloq bo'lib qoladi, ya'ni
ma'naviy eskiradi.
Iqtisodiyotning erkinlashtirilishi sharoitida korxonlarda asosiy fondlarni yangilashga ketadigan
xarajatlarni qoplashning asosiy manbai ularning o'z mablag'lari hisoblanadi. Bu mablag' asosiy
fonddan foydalanish mobaynida amortizatsiya ajratmasi shaklida jamg'ariladi.
Amortizatsiya - asosiy fondlar eskirishini mahsulotning ishlab chiqarish tannarxiga qismlab
o'tkazish yo'li bilan yig'ilib boriladigan pul mablag'laridir.
Amortizatsiya hisoblanadigan mulk tarkibiga O'zbekiston Respublikasini qonunchiligiga ko'ra
qiymati eng kam oylik ish haqining 50 barobaridan ortiq bo'lgan va foydalanish muddati 1
yildan oshadigan mulklar kiradi. Yer uchastkalari, qazilma boyliklar, o'rmonlar va moliyaviy
aktivlar bunga kirmaydi. Amortizatsiya ajratmasi so'mmasi asosiy fondning qiymatiga, undan
foydalanish muddatiga va modernizatsiya xarajatlariga bog'liq.
Amortizatsiyaning yillik so'mmasini asosiy fondlar qiymatiga nisbatan foizlarda ifodalash
orqali uning normasi aniqlanadi. Amortizatsiya normasi asosiy fondlar yiliga o'zining balans
qimatining qancha qismini mahsulot ishlab chiqarish tannarxiga qo'shayotganligini bildiradi.
Amortizatsiya normasini hisoblash quyidagi formula bo'yicha amalga oshiriladi:
F1-Fy
Nam= ————— x 100,
Tm? F1
bu yerda: F1 - asosiy fondlarning boshlang'ich qiymati, so'm;
Fy - asosiy fondlarning yo'qotilgan qiymati, so'm;
Tm - asosiy fondlarning me'yoriy xizmat muddati,
yil.
Misol. Dastgohlarning jami boshlang'ich qiymati 20,0 mln. so'm., xizmat muddati - 8 yil.
Modernizatsiya xarajatlari 4,0 mln. so'm., demontaj sarflari 0,5 mln.so'm., stanoklarning
qoldiq qiymati 0,9 mln.so'm. Bu holatda amortizatsiya normasi 11,25% [(20,0-0,9):(20,0?8)]
x100, amortizatsiya ajratmalari so'mmasi esa [(20,0 +4,0+0,5-0,9)]:8=2,95 mln.so'mni tashkil
etadi.
Amortizatsiya ajratmalari miqdori uch usulda hisoblanadi: bir maromli; bajarilgan ish hajmiga
nisbatan sonlar so'mmasi bo'yicha va qiymatni hisoblab chiqarish (kumulyativ) tezlashtirilgan
usullar.
Amortizatsiya ajratmalari miqdorini bir maromli usulda hisoblash asosiy fondlarning bir
maromda jismoniy va ma'naviy eskirishiga mo'ljallangan 3.1-jadvalga qaralsin.
Hozirgi kunda uskunalar qiymatining katta qismini dastlabki yillardayoq ishlab chiqarish
xarajatlariga o'tkazishni ta'minlaydigan notekis amortizatsiya keng qo'llanilmoqda. Masalan,
birinchi yil - 50%, ikkinchi yil - 30%, uchinchi yil - 20% o'tkaziladi. Bu korxonalarga
inflyatsiya sharoitida qilingan xarajatlarni tezroq qoplash va uskunalarni yangilash imkonini
beradi.
1-jadval
Amortizatsiya ajratmalari miqdorini bir
maromli usulda hisoblash tartibi
Asosiy fondlar ko'rinishlari
O'rtacha balans qiymati, mln. so'm
Amortizatsiya ajratmalarining yillik normasi, %
Amortizatsiya ajratmalari-ning yillik miqdori, mln.so'm (gr.2 x gr.3)
1
2
3
4
Uskunalar
60
12
7,2
Binolar
350
5
17,5
Transport
7
20
1,4
Jami:
26,1
4. Ishlab chiqarish quvvati va uni hisoblash
Asosiy ishlab chiqarish fondlari hajmi va ulardan foydalanish darajasi korxonaning ishlab
chiqarish quvvati kattaligini belgilaydi. U ishlab chiqarish dasturini asoslashda katta rol`
o'ynaydi hamda korxonaning belgilangan nomenklatura va sifatli mahsulot ishlab chiqarish
bo'yicha potentsial imkoniyatlarini tavsiflaydi.
Bundan kelib chiqadiki, ishlab chiqarish quvvati – bu ma'lum bir vaqt davomida ilg'or
texnologiyalardan foydalanish, ishlab chiqarish va mehnatni tashkil qilishning ilg'or sharoitlarida
ishlab chiqarish mumkin bo'lgan mahsulotlarning maksimal darajasidir. U qoidaga ko'ra, ishlab
chiqarilgan mahsulotlar hajmining natural ko'rinishda, ushbu korxonaning ixtisoslashganligi va
mahsulotning alohida turlari o'rtasidagi o'zaro nisbatiga ko'ra aniqlanadi.
Korxonaning ishlab chiqarish quvvati ilg'or (asosiy) sexlar quvvati bilan, sexlar quvvati bosh
uchastkalar quvvati bilan, uchastkalar quvvati esa bosh uskunalar quvvatiga asosan
aniqlanadi. Korxona ishlab chiqarish quvvati kattaligini belgilab beruvchi ko'rsatkichlar
qatoriga quyidagilarni kiritish mumkin:
? uskunalar tarkibi va turlar bo'yicha soni;
? uskuna, agregat va dastgohlardan foydalanishning texnik-iqtisodiy norma (normativ) lari;
? uskunalarning ishlash vaqti fondi;
? ishchilar soni;
? ishlab chiqarilayotgan mahsulot nomenklaturasi va assortimenti (turlari va xilma-xilligi).
Korxona ishlab chiqarish quvvatining boshlang'ich (yil boshida), yakuniy (yil oxirida), o'rtacha
yillik hamda loyiha quvvati turlari mavjud. Loyiha quvvati qurilish loyihasida ko'zda
tutilgan bo'ladi. Qayta tiklash, kengaytirish va texnik jihatdan qayta qurollantirish davomida
loyiha quvvati kattalashtirilishi mumkin. Shu sababli amaliyotda loyiha quvvati ko'pincha
korxonaning amaldagi quvvati bilan solishtiriladi.
Korxonaning amaldagi quvvati korxona ishlab chiqarish dasturini tayyorlash uchun asos bo'lib
xizmat qiladi.
Korxona ishlab chiqarish quvvatini aniqlashda zahiradagi uskunalardan tashqari, barcha
o'rnatilgan uskunalar hisobga olinadi. Ba'zi bir sexlarda (yig'uv, quyuv va boshqa sexlarda)
ishlab chiqarish quvvati ishlab chiqarish maydonlariga asosan hisoblanadi.
Ishlab chiqarish quvvatini aniqlashda mahsulot birligiga sarflanuvchi vaqt normasi yoki har bir
uskunaning unumdorlik normalari muhim ahamiyatga ega bo'lib, ular ilg'or hamda progressiv
bo'lishi talab qilinadi.
Korxona bosh bo'g'inining (asosiy sexining) ishlab chiqarish quvvati quyidagi formula asosida
hisoblanadi:
M = n Fmax / Mm .
Bu yerda:
M -sex yoki uchaskaning qabul qilingan o'lchov birligidagi ishlab chiqarish quvvati;
n - sex yoki uchastkadagi ilg'or uskunalar soni;
Fmax –bosh uskunadan foydalanish mumkin bo'lgan maksimal muddat, soat;
Mm –bosh uskunada mahsulot tayyorlashning progressiv mehnat sig'imi, soat.
Amaliyotda ishlab chiqarish quvvati va uskunalarning yuklanishini hisoblashda ba'zida xatolar,
ular o'rtasidagi farqni sezmaslik hollari ham uchrab turadi. Demak, ular o'rtasidagi
printsipial farq shundaki, birinchi holatda korxona ishlab chiqarishi mumkin bo'lgan
mahsulotlarning maksimal darajasi aniqlansa, ikkinchi holda mazkur davr mobaynida
uskunalardan qanchalik foydalanilishi aniqlanadi.
Ishlab chiqarish dasturining korxonada mavjud bo'lgan quvvatlarga mos kelishini aniqlash uchun,
o'rtacha yillik ishlab chiqarish quvvati quyidagi formuladan hisoblab topiladi:
Mo'r.yil = Mb + Mk· n1/ 12 + My · n2 / 12.
Bu yerda:
Mo'r.yil – korxonaning o'rtacha yillik quvvati;
Mb – korxonaning yil boshidagi quvvati;
Mk – yil mobaynida kiritiluvchi quvvati;
My – yil davomida ishlab chiqarishdan chiqariluvchi (yo'q qilinuvchi) quvvat;
n1 , n2 – ishlab chiqarish quvvatlarini ishga tushirishdan yoki tugatilgan ishlab chiqarish
quvvatlari yo'q qilingandan to yil oxirigacha o'tgan to'liq oylar soni.
Xulosa
Asosiy ishlab chiqarish fondlaridan foydalanishni yaxshilash bilan bog'liq bo'lgan mazkur chora-
tadbirlar, ko'pincha ishlab chiqarish quvvatlari balansini tuzish yo'li bilan amalga oshirilib,
korxonaning ishlab chiqarish quvvatlari va ularni ta'minlash manbalariga bo'lgan ehtiyoji
aniqlanadi.
Korxona quvvati asosiy ishlab chiqarish fondlari, yangi texnika va aniqlangan zahiralardan
foydalangan holda mahsulot ishlab chiqarish mumkin bo'lgan maksimal darajani tavsiflaydi,
uskunalarning yuklanishni hisoblash natijalari esa, ushbu quvvatlardan rejadagi davrda
foydalanishning darajasini aniqlaydi.
Tayanch iboralar: mulk, uzoq muddatli aktivlar, asosiy fond, asosiy vosita, asosiy ishlab
chiqarish fondlari, noishlab chiqarish asosiy fondlari, asosiy fondlarning jismoniy va ma'naviy
eskirishi, amortizatsiya, ishlab chiqarish quvvati.
Nazorat savollari:
1. Asosiy ishlab chiqarish fondiga tushuncha bering.
2. Asosiy ishlab chiqarish fondlari qanday baholanadi?
3. Asosiy ishlab chiqarish fondlarining jismoniy va ma'naviy eskirishi mazmunini va ularga
ta'sir etuvchi omillarni yoriting.
4. Amortizatsiyaning mohiyatini tushintiring.
5. Korxona ishlab chiqarish quvvatiga tushuncha bering.
6. Asosiy ishlab chiqarish fondlarining samarali ishlatilishi qaysi ko'rsatkichlar bilan
ifodalanadi?
7. Korxonalar asosiy ishlab chiqarish fondlaridan foydalanishini yaxshilashning muhim va real
yo'llarini ayting.
8. Korxonaning ishlab chiqarish quvvati nima va u qanday hisoblanadi?
FOYDALANILGAN ADABIYOTLAR RO'YXATI
Asosiy adabiyotlar:
1. Karimov I.A. Bosh maqsadimiz – keng ko'lamli islohotlar va modernizatsiya yo'lini qat'iyat
bilan davom ettirish: O'zR Prezidenti I.Karimovning Vazirlar Mahkamasining 2012 yil yakunlari
va 2013 yil iqtisodiy dasturining ustivor yo'nalishiga bag'ishlangan yig'ilishidagi nutqi //
O'zA, 18.01.2013 y. 2. Karimov I.A. Inson manfaati, huquq va erkinliklarini ta'minlash,
hayotimizning yanada erkin va obod bo'lishiga erishish - bizning bosh maqadimizdir: Prezident
Islom Karimovning O'zbekistan Respublikasi Konstitutsiyasining 20 yilligiga bagishlangan
tantanali marosimdagi nutqi // O'zA, 07.12.12 y.
3. Karimov I.A. 2012 yil - Vatanimiz taraqqiyotini yangi bosqichga ko'taradigan yil bo'ladi. –
T.: O'zbekiston, 2012. 4. Karimov I.A. Barcha reja va dasturlarimiz Vatanimiz taraqqiyotini
yuksaltirish, xalqimiz farovonligini oshirishga xizmat qiladi: O'zR Prezidenti I.Karimovning
Vazirlar Mahkamasining 2010 yil yakunlari va 2011 yil vazifalariga bag'ishlangan yig'ilishidagi
nutqi // O'zAA, 22.01.11y.
5. Karimov I.A. O'zbekiston mustaqillikka erishish ostonasida. –T.: O'zbekiston, 2011.
6. Karimov I.A. Mamlakatimizda demokratik islohotlarni yanada chuqurlashtirish va fuqarolik
jamiyatini rivojlantirish kontseptsiyasi: O'zR Prezidenti I.Karimovning O'zbekiston Respublikasi
Oliy Majlisi qonunchilik palatasi va Senatining qo'shma majlisidagi ma'ruzasi // O'zAA,
12.11.10y.
7. Karimov I.A. Mamlakatni modernizatsiya qilish yo'lini izchil davom ettirish –
taraqqiyotimizning muhim omilidir: Prezident I.Karimovning O'zbekiston Respublikasi
Konstitutsiyasi qabul qilinganining 18 yilligiga bag'ishlangan tantanali marosimdagi ma'ruzasi
// O'zAA, 07.12.10y.
9. Karimov I.A. Jahon moliyaviy-iqtisodiy inqirozi, O'zbekiston sharoitida uni bartaraf etish
yo'llari va choralari. –T.: O'zbekiston, 2009.
9. Gulyamov S.S. Osnovi sovremennogo menedjmenta. –T., 1997.
10. Zaynutdinov SH., Murakaev I. i dr. Osnovi menejmenta. - Toshkent: Ukituvchi, 1996.
11. Murakaev I.U., Saifnazarov I.S. Menejment asoslari. -Toshkent: Fan, 1998.
10. Sharifxujaev M., Abdullaev YO. Menejment: Darslik. –T: O'qituvchi, 2001.
12. Ishmuhamedov A.E. Qosimova M.S. va b. Loyiha tahlili. -T: O'zbe- kiston yozuvchilar
uyushmasi Adabiyot jamg'armasi, 2004.
13. Maxmudov E.H. Korxona iqtisodiyoti. -T: O'zbekiston yozuvchilar uyuushmasi. Adabiyot
jamg'armasi, 2004 .
14. Ortiqov A. Sanoat iqtisodiyoti. -T: O'zbekiston yozuvchilar uyushmasi Adabiyot jamg'armasi,
2004.
15. Toshniyozov M.I. va boshqalar. Mashinasozlik korxonalari iqtisodiyoti, ishlab chiqarishni
rejalashtirish va uyushtirish bo'yicha amaliy mashg'ulotlar. -T.: O'zbekiston, 2000.
16. Sharifxo'jaev M., Abdullaev YO. Menejment: 100 savol va 100 javob . –T.: Mehnat, 2000.
17. “Iqtisodiyot va ta`lim” jurnali. -T: 2008-2013 yy. sonlari.
18. “O'zbekiston iqtisodiy axborotnomasi” jurnali. -T: 2008-2013 yy. sonlari.
Qo'shimcha adabiyotlar:
1. Alimxodjaev S.R. Effektivnost` razvitiya gorno-metallurgicheskogo kompleksa Uzbekistana.
–T.: TGTU, 2004.
2. Luzin B.G. Ekonomicheskie problemi zolotodobivayushey promishlennosti. -M: MGGU, 1997.
3. Shemetov P.A., Sitenkov V.N. i dr. Formirovanie usloviy ustoychivogo razvitiya
Kizilkumskogo regiona. –T: Iqtisod-moliya, 2010.
4. Ulashev I.O. Razrabotka upravlencheskix resheniy: Uchebnoe posobie. –T.: Moliya-iqtisod,
2007.
4. Internet saytlari:
? www.gov.uz – O'zbekiston hukumati portali,
? www.uza.uz – O'zbekiston axborot agentligi,
? www.ziyonet.uz – O'zbekiston ta'lim portali,
? www.ecsoman.edu.ru - Rossiya Federatsiya oliy o'quv yurtlarida o'qitilayotgan fanlar bo'yicha
o'quv-uslubiy komplekslar;
? http://sunny.ccas.ru/library.html – Jahon kutubxonalari serveri;
? www.cfin.ru - jamoaviy (korporativ) menejment;
? www.salesmanagment.ru – sotuvni boshqarish;
? www.gaap.ru - Xalqaro standartlar;
? www.nkmk-bilim.uz – Navoiy KMK ilmiy-ta'lim portali.
|
| |
