O‘ZBEKISTON RESPUBLIKASI ADLIYA
VAZIRINING
BUYRUG‘I
PATENT EGASINING OCHIQ LITSENZIYAGA HUQUQ BERISH HAQIDAGI
ARIZASINI KO‘RIB CHIQISH VA USHBU ARIZA TO‘G‘RISIDAGI MA’LUMOTLARNI
E’LON QILISH QOIDALARINI TASDIQLASH TO‘G‘RISIDA
[O‘zbekiston Respublikasi Adliya vazirligi tomonidan 2023-yil 7-fevralda ro‘yxatdan
o‘tkazildi, ro‘yxat raqami 3418]
O‘zbekiston Respublikasining “
Ixtirolar, foydali modellar
va sanoat namunalari
to‘g‘risida
”gi va “
Seleksiya yutuqlari to‘g‘risida
”gi qonunlariga muvofiq buyuraman:
1. Patent egasining ochiq litsenziyaga huquq berish haqidagi arizasini ko‘rib chiqish va
ushbu ariza to‘g‘risidagi ma’lumotlarni e’lon
qilish qoidalari
1-ilovaga
muvofiq tasdiqlansin.
2. Ayrim idoraviy normativ-huquqiy hujjatlar
2-ilovaga
muvofiq o‘z kuchini yo‘qotgan deb
topilsin.
3. Mazkur buyruq rasmiy e’lon qilingan kundan e’tiboran kuchga kiradi.
Vazir A. TAShKULOV
Toshkent sh.,
2023-yil 6-fevral,
2-mh-son
O‘zbekiston Respublikasi adliya vazirining 2023-yil 6-fevraldagi 2-mh-son
buyrug‘iga
1-ILOVA
Patent egasining ochiq litsenziyaga huquq berish haqidagi arizasini ko‘rib chiqish va ushbu
ariza to‘g‘risidagi ma’lumotlarni e’lon qilish
QOIDALARI
Mazkur Qoidalar O‘zbekiston Respublikasining “
Ixtirolar,
foydali modellar va sanoat
namunalari to‘g‘risida
”gi va “
Seleksiya yutuqlari to‘g‘risida
”gi qonunlariga asosan patent egasining
ochiq litsenziyaga huquq berish haqidagi arizasini (bundan buyon matnda ariza deb yuritiladi)
topshirish, ko‘rib chiqish hamda ushbu ariza to‘g‘risidagi ma’lumotlarni e’lon qilish tartibini
belgilaydi.
1-bob. Umumiy qoidalar
1. Mazkur Qoidalarda quyidagi asosiy tushunchalar qo‘llaniladi:
Axborot tizimi — O‘zbekiston Respublikasi Adliya vazirligining “Sanoat mulki
muhofazasi portali” bo‘lib, bevosita o‘ziga va O‘zbekiston Respublikasi
Yagona interaktiv davlat
xizmatlari portali orqali kelib tushgan talabnomalarni qabul qiluvchi va ular bo‘yicha tegishli
amallarni
bajaruvchi maxsus tizim;
