5. Ariza topshirish bilan bog‘liq
ishlar patent egasi, vakolatlari ishonchnoma bilan
tasdiqlangan vakil yoki patent vakili tomonidan amalga oshirilishi mumkin.
6. Ariza to‘g‘risidagi ma’lumotlar e’lon qilinishi uchun O‘zbekiston
Respublikasining
“Davlat boji to‘g‘risida”gi
Qonunida
belgilangan miqdorda davlat boji to‘lanadi.
2-bob. Ariza va unga ilova qilingan hujjatlarni topshirish
7. Ariza davlat tilida topshiriladi. Ariza topshirishda patent
egasi tomonidan mazkur
Qoidalarning
ilovasiga
muvofiq shakldagi arizaga quyidagi hujjatlar ilova qilinadi:
vakil yoki patent vakili vakolatlarini tasdiqlaydigan ishonchnoma (ariza vakil yoki patent
vakili tomonidan topshirilganda);
patent egalari bir nechta bo‘lgan
hollarda, ularning arizani topshirish haqidagi roziligi
arizaga ilova qilinadi.
Yuridik va jismoniy shaxslar tomonidan patent boji to‘langanligi
Vazirlik tomonidan
axborot tizimlari orqali mustaqil ravishda tekshiriladi.
Belgilangan miqdordagi patent boji to‘lanmagan taqdirda, arizani ko‘rib chiqish bo‘yicha
yuridik ahamiyatga molik harakatlar amalga oshirilmaydi.
8. Ariza bitta patentga tegishli bo‘lishi kerak.
Ariza Axborot tizimi orqali to‘ldirilganidan so‘ng ariza beruvchi tomonidan ma’lumotlar
to‘g‘ri va to‘liqligi tekshiriladi hamda tasdiqlanadi.
Yuridik shaxs nomidan topshiriladigan ariza tashkilot rahbari tomonidan uning lavozimi
ko‘rsatilgan holda tasdiqlanadi.
Ariza vakil yoki patent vakili orqali topshirilganda, ariza patent vakili yoki ishonchli shaxs
tomonidan tasdiqlanadi.
9. Arizaga
ilova
qilinayotgan hujjatlar xorijiy tilda bo‘lganda,
ularning davlat tilidagi
tarjimalari ilova qilinishi kerak.