|
Payvandlash sifat nazorati
|
| bet | 86/107 | | Sana | 14.12.2023 | | Hajmi | 3,83 Mb. | | #118232 |
Bog'liq Payvandlash sifat nazorati UMKKapillyar nazorat uslubi
Kapillyar usullarda nazorat qilish jarayoni ushbu texnologik operatsiyalardan tashkil topadi: buyumni nazorat qilishga hozirlash, unga defektoskopik materiallar bilan ishlov berish, nuqsonlarini aniqlash va buyumni uzil kesil tozalash.
Buyumni hozirlash. Bunda nazorat qilinadigan yuza barcha iflosliklar, lok-bo‘yoq qoplamalardan tozalanadi, moysizlantiriladi va quritiladi.
YUzani tozalash uchun mexanik ishlov berish (silliqlash, jilvirlash, shaberlash va boshqalar) usullari qo‘llanilib, keyin yuza yuviladi hamda oson uchuvchan erituvchilar (skipidar, atseton, benzin, spirt va boshqalar) bilan artiladi. Tozalash usuli shunday tanlanadiki, bunda bo‘shliqdagi iflosliklar yo‘qotiladigan, ammo ularning yangilari olib kirilmaydigan bo‘lsin. Payvand choklarga va choklar yaqinidagi joylarga avval abraziv doira bilan, keyin esa turli donadurlikdagi qumqog‘oz bilan ishlov beriladi. Bunday mexanik ishlov yuzadagi hamma notekisliklar (tangachadorlik, oqmalar, kesiklar) ni yo‘qotish va chok kuchaytirgichini tekislash imkonini beradi.
Ammo bunday tozalash jarayonida abraziv va metall changi nuqsonlar bo‘shliqlarini to‘ldirib qo‘yadi, plastik deformatsiyalangan yupqa metall qatlami esa ularni berkitadi. SHu bois mexanik ishlov berilgandan so‘ng nuqsonlar bo‘shliqlarini ochish uchun yuziga kislotalar bilan ishlov berilmog‘i lozim.
Ta’kidlash joizki, yuzani yaxshilab tozalash nazoratning sezgirligini ko‘p jihatdan belgilab beradi. SHu sababli hozirgi vaqtda yuqorida eslatilgan tozalash usullaridan tashqari, kelajagi juda porloq bo‘lgan ultratovush yordamida tozalash usuli qo‘llanilmoqda. Bu usulda buyum suyuq erituvchilar solingan vannaga botiriladi va unga ultratovush nurlanishining kuchli oqimi bilan ishlov beriladi. Anod - ultratovush yordamida tozalashdan ham foydalaniladi, bunda xurushlovchi birikmalar (kislotalar) solingan vannaga joylangan buyumga bir vaqtning o‘zida ultratovush va elektr toki ta’sir qiladi.10
Buyumga defektoskopik materiallar bilan ishlov berish. Defektoskopik materiallar bilan ishlov berish jarayoni (5.1-jadval) nuqsonlar bo‘shliqlarini indikator suyuqlik bilan to‘ldirish, uning ortiqchasini olib tashlash va ochiltirgich surtishdan iborat.
Asosi suv bo‘lgan penetrantlar tarkibiga lyuminessentlovchi moddalar yoki bo‘yovchi moddalar, shuningdek ingibitorlar, ya’ni oksidlash jarayonlarini to‘xtatuvchi moddalar kiradi. Penetrantlar eng texnologiyabob, bexatar, alanga olmaydi va yuzadan oddiy yuvish orqali osongina ketkaziladi. Ammo osongina yuvib ketkazilishi ularning asosiy kamchiligidir, chunki bunda suyuqlikning bir qismi nuqsonlar bo‘shliqlaridan ham chiqib ketadi, bu esa nazoratning sezgirligini pasaytiradi. SHuning uchun bunday penetrantlar cheklangan holda ishlatiladi.
Asosi turli organik suyuqliklar (kerasin, skipidar, benzol, uayt-spirt va boshqalar) dan iborat bo‘lgan penetrantlar eng keng tarqalgan. Garchi ular foydalanishda ehtiyotkorlikni talab qilsa ham, nuqsonlarni aniqlash sezgirligi yuqori bo‘lishini ta’minlaydi.
Penetrantni pulverizator yoki yumshoq mo‘yqalam yordamida qoplash eng maqsadga muvofiqdir. Bunda tutib turish vaqti, hosil bo‘lgan nuqsonlarning kattaligidan qat’i nazar, 5 minutdan oshmasligi kerak.
|
| |
