“PEDAGOGIK MAHORAT” ilmiy-nazariy va metodik jurnal. 2022, № 3-4
118
Республикасида хорижий тилларни ўрганишни оммалаштиришни сифат жиҳатидан янги босқичга
олиб чиқиш чора- тадбирлари тўғрисида»ги қарори [1] бизнинг мамлакатимизда ҳам бу борада ишлар
янги босқичга кўтарилганини ҳамда жамиятимизнинг дунё ҳамжамиятига интеграциялашуви сари
изчил одимлаётганини англатади.
Умуман олганда, замонавий таълим ва тил ўргатиш методларини қўллаш замонавий инглиз
тилини ўқитиш методикасининг сезиларли ривожланишини англатади. Дарҳақиқат, замонавий
методлар асосида инглиз тилини тезкор (интенсив) ўқитиш талабаларнинг ўқитувчилар билан
ижобий алоқаларини кучайтиради ва инглиз тилини ўрганишни рағбатлантириш хусусиятларини ҳам
ўзида намоёни эта олади. Инглиз тилини тезкор (интенсив) ўқитишда замонавий технологиялардан
фойдаланиш инглиз тилини ўқитиш билан бевосита боғлиқ бўлган ва керакли мақсадларга эришишга
олиб келадиган усуллар, воситалар, материаллар, мосламалар, тизимлар ва стратегияларнинг
инновацион қўлланилишини ўз ичига олади.
Шу билан бирга, мамлакатда расмий таълим тизими билан биргаликда республиканинг барча
ҳудудларида норасмий ва ноформал хорижий тилларни ўқитиш, уларда ўқувчиларни чет тиллари
бўйича тестлар топширишга тайёрлаш ёки ўқувчиларнинг тил малакасини ўстириш марказлари
кўплаб очилди ва улар кенг фаолият олиб бормоқда. Шунингдек, кўпчилик хорижий давлатларнинг
элчихоналари қошида ҳам тил ўқитиш марказлари очилган бўлиб, улар истак билдирганларни ўз
мамлакати тилига ўқита бошлади. Мана шундай тил марказлари Германиянинг DAAD, Кореянинг
KOIKA, Япониянинг JICA, Исроилнинг MASHAW, Ҳиндистон маданият маркази, АҚШнинг
EDUCATIONAL EXCHANGE PROGRAM, Буюк Британиянинг BRITISH COUNSIL каби
ташкилотлари, уларда ташкил қилинган ресурс марказлар, маданият марказлари, кутубхоналар,
интернет материаллари, тьюторлик хизматлари, стажировкалар ва хорижий элларга танлов асосида
ўқишга юбориш хизматлари, шунингдек, Хитой, Франция ва бошқа давлатлар элчихоналарида
ташкил қилинган тил марказлари фаолият олиб бормоқда. Элчихоналар таркибида тиллар бўйича
турли танловлар, хорижий стажировкалар ўтказиш анъанага айланган [3].
Хориж тажрибаларини ўрганиш мобайнида олий таълим тизимида ўқитувчилар томонидан чет
тилларни ўргатиш борасида бир қанча методикалар яратилган. Шулардан бири – “Тил портфеллари”
деб номланади.
