“PEDAGOGIK MAHORAT” ilmiy-nazariy va metodik jurnal. 2022, № 3-4
120
Бунда такрорлаш асосида хорижий тил материалларини мунтазам эшитиш тил малакаларининг
маълум даражада шаклланишига олиб келади. Бу метод кўпроқ хорижий тил лексикаси даражасини
оширишни истаган ўқувчилар учун мос келади.
Таҳлиллардан маълум бўлдики, хорижий тилларни ўқитиш жараёнини мутлақо замонавий
омилсиз ташкил этиб бўлмайди. Шу сабабли хориждаги самарали методикаларни ўрганиш ва шу
асосда ўқитувчининг инновацион педагогик фаолиятини миллий қадриятларга таянган ҳолда ташкил
этиш муҳим аҳамият касб этади. Шу билан бирга, хорижий тилларни ўрганишни ташкил қилишнинг
амалдаги тизимини таҳлил этиш шуни кўрсатмоқдаки, таълим стандартлари, ўқув дастурлари ва
дарсликлар замон талабларига, хусусан, илғор ахборот ва медиа-технологиялардан фойдаланиш
борасидаги талабга тўлиқ жавоб бермаяпти. Таълим, асосан, анъанавий услубларда олиб борилмоқда.
Таълим тизимининг барча босқичларида чет тилларни узлуксиз ўрганишни ташкил қилиш,
шунингдек, ўқитувчилар малакасини узлуксиз ошириш ҳамда таълим жараёнини замонавий ўқув-
услубий материаллар билан таъминлашни ҳар томонлама такомиллаштириш тақозо этилади.
