FAN VA TA’LIM FIDOYILARI
PEDAGOGIKA
2017, 6-son
139
ko‘rsatdi. Shu bilan birga o‘z faoliyatida e’tiborini o‘quv adabiyotlar yaratishga
qaratdi.
1988-yili professor Sh. K. Murodov, P. Adilov, L. Hakimov, A. Shomurodov
va M. Jumayevlar hammuallifligida tayyorlangan “Chizma geometriya kursi”
darsligi chop etildi. Darslikning “Perspektiva”, “Soyalar nazariyasi”, “Egri
chiziqlar”, “Qo‘shimcha proyeksiyalash” bo‘limlarini P. Adilov yozgan edi. Bu
darslik Markaziy Osiyodagi mutaxassis olimlarning e’tirofiga sazovor bo‘ldi.
P. Adilov 1985-1991-yillarda tasviriy san’at va chizmachilikni o‘qitish
metodikasi kafedrasi mudiri bo‘lib ishladi. 1991-yildan boshlab, chizma
geometriya va chizmachilik kafedrasiga mudir etib saylandi. 1997-yili qabul
qilingan “Ta’lim to‘g‘risida”gi Qonun va “Kadrlar tayyorlash milliy dasturi”da
belgilab berilgan vazifalarni bajarishda o‘z mutaxassisligi bo‘yicha Respublika
olimlari bilan birga tasviriy san’at va muhandislik grafikasi ta’lim yo‘nalishining
o‘quv rejalarini, chizma geometriya va chizmachilik fanlarining fan va ishchi
dasturlarini tayyorlashda katta xizmat qildi.
Po‘lat aka mustaqillikning dastlabki yillarida yangi avlod adabiyotlarini
yaratish ishida faol qatnashdi. Dastlab har bir fandan ma’ruza matnlari
tayyorlash ishlari boshlandi. Bu ishlarda P. Adilov kafedra mudiri sifatida
“Chizma geometriya”, “Perspektiva” fanlaridan ma’ruza matnlarini yakka muallif
sifatida tayyorladi, shuningdek, kafedra jamoasini birlashtirgan holda,
“Chizmachilik” fanidan ma’ruza matnini tayyorlashga boshchilik qildi.
P. Adilov “Tasviriy san’at va muhandislik grafikasi” yo‘nalishining har ikkala
bosqichi: bakalavriat va magistratura ta’limida yangilangan ta’lim mazmuni
bo‘yicha ma’ruzalar o‘qish bilan birga, magistratura mutaxassisliklari uchun
o‘quv-me’yoriy hujjatlar va o‘quv-metodik ta’minotni sifatli tayyorlash ishida
ham faol ishtirok etdi. Yigirma yil davomida o‘nlab magistrlarning
dissertatsiyalariga ilmiy rahbarlik qildi va hozirda bu mutaxassislar
Respublikamizning turli oliy o‘quv yurtlarida chizma geometriya, chizmachilik,
muhandislik va kompyuter grafikasi fanlaridan dars berib kelmoqdalar.
P. Adilov nafaqat oliy ta’lim talabalari uchun, balki umumiy o‘rta ta’lim
maktabi o‘quvchilariga mo‘ljallangan darsliklar ham yozgan. 2003-yili P. Adilov,
I. Rahmonov, N. Hurboyevlar hammuallifligida 8- va 9-sinflar uchun
“Chizmachilik” darsliklari chop etildi, shuningdek, ko‘p yillar davomida P. Adilov
|
