|
Pedagogika 017, 6-son Bosh muharrirBog'liq 4979 197 2017. 6-sonPEDAGOGIKA
2017, 6-son
6
va me’yoriy-huquqiy hujjatlar Konstitutsiya asosida va unga muvofiq bо‘lishi
talab etiladi. Ulug‘ bobokalonimiz Amir Temur aytganlariday: "Qayerda qonun
hukmronlik qilsa, shu yerda erkinlik bо‘ladi".
Konstitutsiya maxsus tarzda muhofaza qilinadi. Aynan shu maqsadda
О‘zbekiston tarixida birinchi marta Konstitutsiyaviy sud joriy etildi.
О‘zbekiston о‘z milliy manfaatlariga mos keladigan faol tashqi siyosat
yuritishi, bunda xalqaro huquqning teng huquqli subyekti sifatida harakat qilishi
Konstitutsiyada mustahkamlab qо‘yilgan. О‘zbekistonning tashqi siyosati
davlatlarning suveren tengligi, kuch ishlatmaslik yoki kuch bilan tahdid qilmaslik,
chegaralarning daxlsizligi, nizolarni tinch siyosiy vositalar bilan hal etish, ichki
ishlarga aralashmaslik qoidalariga va xalqaro huquqning umum e’tirof etgan
boshqa qoidalari va normalariga amal qilish zaminiga qurilgan.
Inson va fuqarolarning huquqlari hamda erkinliklari sohasida
Konstitutsiyada talaygina ijobiy jihatlar mavjud. Bu borada loyiha Inson
huquqlari umumjahon deklaratsiyasining deyarli barcha prinsipial qoidalarini
о‘ziga singdirgan. Insonning hayoti, shaxsi va erkinligi o‘z qonuniy ifodasini
topgan.
Fuqarolar bilan davlat о‘zaro huquqlar va burchlar orqali uzviy bog‘liq.
Fuqarolarning huquqlari va erkinliklari daxlsiz bо‘lib, hech kim ularni sudning
qarorisiz mahrum etishi yoki cheklashi mumkin emas. Ayni vaqtda fuqarolarning
о‘z huquq va erkinliklarini amalga oshirishlari boshqa fuqarolarning, davlat va
jamiyatning qonuniy manfaatlariga zid bо‘lmasligi lozim.
Asosiy qonun loyihasining "Jamiyat va shaxs" deb nomlangan uchinchi
bо‘limida mamlakat iqtisodiyoti mulkchilikning xilma-xil shakllari tengligini
ta’minlagan holda bozor munosabatlarini shakllantirishga qaratilgan tadbirlarga
tayanishi, xususiy mulkning himoya qilinishi ta’kidlanadi. Maqsad – iqtisodiyotni
о‘ta markazlashtirmaslik hamda yakkahokimlikka barham berishdan, korxonalar,
tashkilotlar va xususiy tadbirkorlarning mustaqilligini kengaytirishdan iborat.
Davlatning xо‘jalik faoliyatiga yakkahokimlik tarzida aralashuviga chek qо‘yiladi,
iqtisodiy faoliyat erkinligi ta’minlanadi.
Yangi hujjatda ishbilarmonlik tashabbusiga va erkin bozor munosabatlariga
keng yо‘l ochilgan. О‘z mulkiga о‘zi xо‘jayin bо‘lgan kishilar esa ijtimoiy va siyosiy
barqarorlikning asosiy tayanchi bо‘lib xizmat qiladi.
|
| |
