|
Pedagogika 017, 6-son Bosh muharrirBog'liq 4979 197 2017. 6-sonPEDAGOGIKA
2017, 6-son
8
olinib, 1992-yilning 21-noyabrida Konstitutsiya loyihasi ikkinchi bor matbuotda
e’lon qilindi. Natijada olti mingdan ortiq taklif va mulohazalar bildirildi va
loyihaga qator tuzatish hamda aniqliklar kiritildi.
Xalqimiz tomonidan bildirilgan fikrlar Konstitutsiya mazmunini yanada
boyitdi. Jamiyatimizning millionlab a’zolari taqdiri bilan bog‘liq ushbu jarayon
siyosiy faollik namunasi bo‘ldi, deb ta’kidlash joiz.
Tarixiy sana – 1992-yil 8-dekabr kuni O‘zbekiston Respublikasi Oliy
Kengashining
o‘n
birinchi
sessiyasida
O‘zbekiston
Respublikasining
Konstitutsiyasi qabul qilindi.
Jamiyat a’zolarining siyosiy-huquqiy ongi va tafakkurining o‘sib
borayotganligi davlat hokimiyatini isloh qilinishida asosiy omil bo‘lib xizmat
qilmoqda.
Xalqimiz erki-irodasiga asosan o‘tkazilgan referendumlarda davlat va
jamiyat hayotidagi eng muhim masalalar yuzasidan qarorlar qabul qilinishi
natijasida mamlakat siyosiy tizimida izchil islohotlar amalga oshirilib, katta
o‘zgarishlar yuz berdi. Ko‘ppartiyaviylik tizimining mustahkamlanishi, mamlakat
ijtimoiy hayotining huquqiy asoslarini rivojlantirish, jamiyat a’zolarining siyosiy-
huquqiy tafakkuri yuksalishi, milliy huquq tizimimizni xalqaro huquq talablari
darajasida takomillashtirish hamda mukammal saylov tizimining mavjudligi
professional parlamentni shakllantirish, uni ikki palatali tizimga o‘tkazish uchun
xizmat qiluvchi omillar hisoblandi, shuning uchun ham qonun chiqaruvchi
hokimiyatni amalga oshiruvchi parlamentning quyi – Qonunchilik palatasi
muntazam faoliyat ko‘rsatuvchi professional organga aylantirildi, yuqori palata –
Senat esa hududlar manfaatlarini ifodalovchi vakillik organi sifatida
shakllantirildi. Shu tariqa Oliy Majlis faoliyati ikki palatali tizimga o‘tkazildi.
Tabiiyki, hayot hech qachon bir joyda to‘xtab turmaydi, u doimo
harakatda, o‘zgarishda va rivojlanishdadir. Shunday ekan, yurtimizni har
tomonlama rivojlantirishning har bir bosqichida yangi-yangi muammolar paydo
bo‘ladi va ularni hal etish bo‘yicha zamon bizning oldimizga yangi-yangi
vazifalarni qo‘yadi.
O‘zbekiston Respublikasi Prezidentining 2017-yil 7-fevraldagi “O‘zbekiston
Respublikasini yanada rivojlantirish bo‘yicha Harakatlar strategiyasi to‘g‘risida”gi
Farmonining qonun ustuvorligini ta’minlash va sud-huquq tizimini yanada isloh
|
| |
