|
Raqamli iqtisodiyot asoslari (Darslik) toshkent – 2020
|
| bet | 115/201 | | Sana | 14.05.2024 | | Hajmi | 4,94 Mb. | | #232599 |
Bog'liq O‘zbekiston respublikasi oliy va o‘rta maxsus ta’lim vazirligi3.2.2. Marketing tadqiqotlari bosqichlari va marketing
ma’lumotlari turlari
Marketing tadqiqotlarining bosqichlari va tartiblari 3.2.1jadvalda keltirilgan.
Marketing ma’lumotlari: turlari, manbalari va to‘plash usullari
Marketing axboroti – bu marketing qarorlarini tayyorlash va qabul qilish uchun zarur bo‘lgan har qanday obyekt, hodisa, jarayon yoki hodisa to‘g‘risidagi bilimlar, ma’lumotlar, axborotlar.
3.2.1-jadval Marketing tadqiqotlarining bosqichlari va tartiblari
Bosqichlar
|
Protseduralar (tartibi)
|
Muammoning
ta’rifi va tadqiqot maqsadlari
|
Marketing tadqiqotlarini o‘tkazishda va unga bo‘lgan ehtiyojni aniqlash;
Muammoni aniqlash;
Tadqiqot maqsadi va vazifalarini shakllantirish
|
Tadqiqot rejasini ishlab chiqish
| |
Tadqiqot rejasini amalga oshirish
|
Ma’lumotlar to‘plash;
Ma’lumotlar tahlili
|
Olingan natijalarni sharhlash va ularni rahbariyatga taqdim etish
|
Yakuniy hisobotni tayyorlash;
Yakuniy hisobot taqdimoti
|
Marketing ma’lumotlarini quyidagicha tasniflash mumkin:
olish manbasi va usuli bo‘yicha: birlamchi va ikkilamchi ma’lumotlar;
ma’lumotlarning xarakteriga ko‘ra: miqdoriy va sifatiy ma’lumotlar;
marketing bo‘limi bilan bog‘liq ma’lumotlar oqimiga qarab: kirish, tahlil qilish, saqlash, chiqish.
Birlamchi ma’lumotlar bu aniq muammolarni hal qilish uchun maxsus olib borilgan tadqiqotning obyektlari to‘g‘risida to‘g‘ridan-to‘g‘ri manbadan olingan (paydo bo‘lish vaqtida), marketing tadqiqotlari deb ataladigan ma’lumot.
Ikkilamchi ma’lumotlar – bu marketing tadqiqotni olib borishda tashqi va ichki manbalardan to‘plangan tadqiqot obyekti to‘g‘risidagi ma’lumotlari. Ikkilamchi ma’lumotlarning manbalari korxona bilan bog‘liq ravishda ichki va tashqiga bo‘linadi.
Ikkilamchi ma’lumotlarning birlamchi ma’lumotlarga nisbatan asosiy kamchiliklari bu ma’lumotlarning to‘liqligi, ishonchliligi va ulardan foydalanish imkoniyatlarini, shuningdek, raqobatchilar uchun mavjudligini baholash qiyinligidir. Ikkilamchi ma’lumotlarning afzalliklari, qoida tariqasida, qabul qilish tezligi va dastlabki ma’lumotlarga nisbatan arzonligi va bir nechta manbalarni taqqoslash qobiliyatidir.
Birlamchi ma’lumotlarni yig‘ishning uchta asosiy usuli mavjud: kuzatuv, so‘rovnoma, eksperiment (3.2.2-jadval).
|
| |
