|
Raqamli iqtisodiyot asoslari (Darslik) toshkent – 2020
|
| bet | 122/201 | | Sana | 14.05.2024 | | Hajmi | 4,94 Mb. | | #232599 |
Bog'liq O‘zbekiston respublikasi oliy va o‘rta maxsus ta’lim vazirligi SERM asosiy usullari
yashirin marketing – bu ma’lumotni odam boshqarayotganini sezmaydigan tarzda uzatish usuli. Masalan: kompaniya auditoriya bilan mashhur bo‘lgan kishiga mahsulotdan ommaviy foydalanish uchun pul to‘laydi;
Internetda obro‘ni boshqarish – ma’lum bir xizmatlardan foydalangan holda biznes obro‘siga ta’sir qiluvchi muayyan omillarni aniqlash usuli;
qidiruv natijalarida obro‘-e’tiborni boshqarish – qidiruv natijalarida kompaniyaning murojaatlari monitoringi, salbiylikni tezda yo‘q qilish.
Kontekstli va mediyali (banner) reklama
Kontekstli reklama – bu sahifaning tarkibiga yoki qidiruv tizimiga kiritilgan so‘rovga qarab reklama ko‘rsatiladigan onlayn reklama turidir.
Kontekstli reklama turlari
Kontekstli qidiruv reklamalari bu qidiruv satrining ostidan va qidiruv natijalari oxirida darhol paydo bo‘ladigan e’lonlar. U nafaqat qidiruv tizimining bosh sahifasida, balki xaritalarda, kataloglarda va uchinchi tomon saytlarida ham ko‘rsatiladi (3.3.3rasm).
Mavzuga oid kontekstli reklama – bu reklama saytlari va reklama tarmoqlarining hamkor dasturlarida belgilangan joylarda paydo bo‘ladigan reklama.
Remarketing – bu avval tashrif buyurgan foydalanuvchilarga saytni eslatishning bir usuli. U joylashtirish uchun sayt tarkibiga emas, balki tomoshabinlarning xususiyatlariga e’tibor qaratadi. Bunday reklama faqat reklama beruvchining saytida bo‘lganlar tomonidan ko‘riladi. Remarketing tematik reklama ko‘rinishida va qidiruv natijalarida paydo bo‘ladi (3.3.4-rasm).
3.3.3-rasm. Kontekstli qidirish reklama
3.3.4-rasm. Remarketing
Nativli reklama – bu tabiiy reklama, uning yordamida reklama beruvchilar sayt mazmuniga va foydalanuvchi manfaatlariga e’tibor berishadi. Asl nusxada u ko‘rib chiqilayotgan saytning bir qismi sifatida qabul qilinadi, saytning xususiyatlarini hisobga oladi, reklama deb belgilanmaydi va auditoriyada rad etishga sabab bo‘lmaydi [14]. Uni o‘qib, foydalanuvchi reklama o‘qiyotgan deb shubha qilmaydi (3.3.5-rasm).
3.3.5-rasm. Nativli reklama
|
| |
