111
15-MAVZU. MS WINDOWSDA QUYI XAVFSIZLIK TIZIMLARI
Reja:
1. Microsoft texnologiyalaridan foydalanish metodikasi va amaliyoti.
2. MS Windowsda quyi xavfsizlik tizimlari.
3. MS Windows operatsion tizimiga integratsiya qilingan axborotni dasturiy
himoyalash usullari.
Kalit
so‘zlar:
Microsoft
texnologiyasi,
Microsoft
Solutions
Framework(MSF), MSF modeli, bulutli texnologiyalar, sun’iy intellekt, bulutli
infratuzilma, boshqariladigan bulut, monitoring, telemetriya, jurnalga yozish va
audit, MS Windows, xavfsizlik tizimi, xavfsizligi operatsiyalari markazi (SOC),
xavfsizlik identifikatori (SID), Microsoft Desktop Optimization Pack, TPM
BitLocker, InstantGo, AppLocker, Microsoft Edge.
1. Microsoft texnologiyalaridan foydalanish metodikasi va amaliyoti.
Microsoft – axborot texnologiyalari sohasida jahon yetakchisi boʻlib, keng
turdagi qurilmalar va xizmatlar, dasturiy taʼminot va IT xizmatlarini taqdim etadi.
Bu dunyodagi eng yirik korporatsiyalardan biri bo‘lib, 190 dan ortiq
mamlakatlarda faoliyat yuritadi.
Microsoft kompaniyasi hozirgi kunda mobil ilovalar va bulutli texnologiyalar
ishlab chiqarish kompaniyasidir. Microsoftning uzoq muddatli missiyasi
sayyoradagi har bir inson va har bir tashkilotga ko‘proq
yutuqlarga erishish
imkoniyatini berishdir. Kompaniya oldiga biznes jarayonlarini takomillashtirish
uchun yangi imkoniyatlar yaratish, inson va kompyuter o‘rtasidagi o‘zaro aloqani
soddalashtirish, uni yanada individual qilish va aqlli bulut platformasini yaratish
kabi ulkan maqsadlar qo‘yilgan.
Kompaniya foydalanuvchi ma’lumotlarini himoya qilishga alohida e’tibor
beradi. Yevropa Ittifoqining maʼlumotlarni himoya qilish organlari Microsoft bulut
xizmati shartnomalari Yevropa Ittifoqining maʼlumotlarni himoya qilish
qonunining yuqori standartlariga javob berishini tasdiqlaydi.
Microsoft bunday
tasdiqni olgan birinchi kompaniyadir.
112
Microsoft faoliyatining yana bir asosiy yo‘nalishi bu sun’iy intellekt
sohasidagi ishlanmalardir. Buning uchun korporatsiya Microsoft sun’iy intellekti
va tadqiqot guruhini yaratdi. Guruh bugungi kunda sun’iy intellektga asoslangan
Microsoft mahsulotlarini ishlab chiqaradigan 5000 dan
ortiq jahon darajasidagi
olimlar va texnik ekspertlarni birlashtiradi. Sun’iy intellektga asoslangan xizmatlar
hamma uchun qulay va ma’qul bo‘lib, jamiyatning eng murakkab muammolarini
hal qilishning yangi usullariga olib keladi.
Microsoft kompaniyasining aksariyat zamonaviy yechimlari va loyihalari
yaratilgan metodologiyalardan biri –
Microsoft Solutions Framework (MSF).
Ushbu metodologiya loyiha jamoasida yoki har qanday hajmdagi tashkilotda
ishlash uchun javob beradi. MSF asosiy tamoyillar,
modellar, jarayonlar va
texnologiyalarni boshqarish tizimini o‘z ichiga oladi (15.1-rasm).
15.1-rasm. Microsoft Solutions Framework (MSF) metodologiyasi bosqichlari
MSF quyidagi sakkizta tamoyilga asoslanadi:
