159
ardan təşkil olunublar. Bütün bioloji makromolekullar
quruluş etibarı ilə molekulyar klasterlərdir;
►Liqandsız qaz klasterləri (liqand latınca “ligare” sözündən
götürülüb, “birləşdirmək” mənasını verir, yəni liqand hər
hansı bir mərkəzlə-akseptorla birləşmiş atom, ion və ya
molekuldur): bunlara liqandla stabilləşməyən metallik və
qeyri-metallik klasterlər aiddir;
►Kolloid klasterləri (kimyəvi reaksiyalar vasitəsilə maye
fazada əmələ gələn liofil–hidrofil, yəni suda həll olan, və
liofob–hidrofob, suda həll olmayan klasterlər); bunlar,
əsasən, yapışqan formada olurlar;
►Matris klasterləri (bir-birindən izolə olunmuş və bərk
matris üzərində “becərdilmiş” , “yaradılmış” klasterlər);
►Bərk nanoklasterləri (bərk fazada müxtəlif çevrilmələr
nəticəsində yaranan klasterlər).
Adi suyun tərkibində də hətta nanoklasterlər mövcuddur.
Bərk cismin kristal quruluşunu atom və ionlar deyil,
atomlardan ibarət olan klasterler əmələ gətirir.
