87
Bir martalik
likopcha
Rangli
qog‘ozlar
Qaychi
Yelim
Paxta
Sellofan
bo‘lagi
Qizil va ko‘k rangli
flomasterlar
Bizga kerak
Bajarish
tartibi
Qishda tog‘larga qalin qor yog‘adi. Bahor kelishi bilan kunlar
isib, qorlar eriy boshlaydi. Qor suvlari yig‘ilib kichik irmoqlarni, irmoqlar
esa daryolarni hosil qiladi.
Yomg‘ir va yerosti suvlari yig‘ilib, daryolarga quyiladi.
Ko‘pincha daryo suvi dengiz va okeanlarga quyiladi. Okean
va dengiz suvlarining bir qismi bug‘lanib, osmonga ko‘tariladi. Suv
bug‘lari osmonda bulutlarni hosil qiladi.
Bulutlarning bir qismini shamol quruqlikka olib keladi. Bulutlardan
qor va yomg‘irlar yog‘ib, daryolarni hosil qiladi. Daryo suvlari esa
yana okean va dengizlarga borib quyiladi. Bu
suvning aylanma
harakati deb ataladi.
Suvning tabiatdagi aylanma harakati hisobiga havodagi nam,
daryo va ko‘llardagi suvlar tez-tez yangilanib turadi.
1. Suvning aylanma harakatiga qanday omillar ta’sir ko‘rsatadi?
2. Suvning aylanma harakati bo‘lmasa, tabiatda qanday o‘zgarishlar
bo‘ladi?
1. Qaychi bilan jigarrang qog‘ozdan tog‘ shaklini
qirqib oling.
2. Sariq qog‘ozdan Quyosh shaklini qirqing.
3. Bir martalik likopchaning o‘ng tomoniga yelim
bilan tog‘ shaklini yopishtiring.
4. Sellofan paket bo‘lagidan tog‘dan oqib
tushadigan daryo shaklini yasang.
5. Sellofan paket yordamida likopchaning pastki
chap qismida okean shaklini hosil qiling.
6. Likopchaning yuqori qismiga Quyosh shakli
hamda paxtadan tayyorlangan bulutlarni
yopishtiring.
7. Ko‘k rangli flomaster bilan bulut ostiga yomg‘ir
tomchilarini chizing.
8. Qizil rangli flomaster bilan bug‘lanish belgisini
chizing va likopchaning o‘rtasiga “Suvning
aylanma harakati” deb yozing.
