319
qolishini oldini oladi.
Sug‘orish shlanglarini bir oyda 2 marta yuvib turish tavsiya
qilinadi. Bunda sug‘orish shlanglarni oxiridagi tiqinlar navbati
bilan 5 sekundga ochib qo‘yiladi va suvni shlangdan erkin oqib
chiqishiga imkon yaratiladi.
Sug‘orish shlanglarida qotgan tuzlarni eritish va yopishgan
suv o‘tlarini chiqarib yuborish uchun mavsum davomida quvur va
shlanglarga 1-2 marta azot kislotasining 0,5% li eritmasini
yuborish tavsiya qilinadi.
Tizim quvur va shlanlariga kislota eritmasi yuborilgandan
keyin oradan 15-20 soat o‘tgach, har bir sektorning quvur va
shlanglariga toza suv yuboriladi. Suvni tizimdan erkin oqib
chiqib ketishi uchun shlanglarning oxiri navbat bilan ochib
qo‘yiladi. Natijada tizim quvur va shlanglarini yuvilib tozalanishi
amalga oshiriladi.
Har mavsum yakunida esa tomchilatib sug‘orish tizimi quvur
va shlanglariga azot kislotasining 2-3% li eritmasi bilan ishlov
berish tavsiya qilinadi.
Bunda ham tizim quvur va shlanglariga kislotali eritma
yuboriladi va ma’lum vaqt o‘tgandan keyin sug‘orish shlanglarini
oxiri ochilib, eritmani erkin oqib chiqib ketishiga imkoniyat
yaratiladi.