Темир йўллар қурилиши технологияси ва ташкили фанидан

Toshkent davlat transport universiteti Qurilish muhandisligi fakultetining “temir yo`l muhandisligi” kafedrasi

15-ma’ruza rejasi:

1. Zveno yig’ish bazasi vazifalari.

2. Zveno yig’ish, saqlash, transport vositalariga ortish, quriladigan uchastkaga jo’natish ishlarini tashkil etish.

3. Zveno yig’ish bazasi ish unumdorligi.

1. Zveno yig’ish bazasi vazifalari

Temir yo’l izlarini yotqizish majmuasining hozirgi kundagi jihozlanish darajasi zvenolarni yig’ish va yotqizishda ish unumdorigini turli xil bo’lishini ta’minlaydi. Masalan, UK-25/9 temir yo’l izini yotqizuvchi bir smenada 2.5km gacha bo’lgan yo’lni yotqizishi mumkin, eng unumdor zveno yig’ish liniyalaridan biri ZLX-800 esa bir smenada 0,8km RShPni yig’ishi mumkin.

Zvenolarni yig’ish va yotqizish orasida bog’lovchi zveno bo’lgan tashish ishlariga ko’p narsa bog’liq. Temir yo’l orqali tashish ishlari ikki xil variantda amalga oshirilishi mumkin. Agar zvenolar stastionar ZYB da yig’ilgan bo’lsa, ular dastlab harakatdagi yo’l bilan, keyin esa qurilayotgan yo’l bilan tashiladi. Agar ZYB ob’ekt yaqinida joylashgan bo’lsa, zvenolar faqat qurilayotgan yo’l bilan tashiladi