122
barcha arifmetik amallar bajariladi (ko‘paytirishdan tashqari), SVli shaklda taqdim
etilgan ma’lumotlarni QVliga va aksincha o‘zgartirish, shuningdek ayrim maxsus
amal (teskari kattalikni baholash, kvadrat o‘zakning o‘rtacha qiymatini baholash,
ayirishli qo‘shishlar) lari bajariladi. SVli protsessorlar AMQsi mantiqiy amallar va
SVli ma’lumotlar ustida bit-manipulyatsiya amallarining bajarilishini qo‘llamaydi.
Ushbu amallar faqat QVli ma’lumotlar bilan bajarilishi mumkin.
Suruvchilar. SVli protsessorlar arxitekturasida SVli ma’lumotlarga ishlov
berish uchun suruvchilar ko‘zda tutilgan. Ular natija mantissasini normallashtirilgan
ko‘rinishda taqdim etish uchun o‘ngga/chapga surishni amalga oshiradi. Bunday
suruvchilar ishi foydalanuvchidan yashirilgan. So‘zuvchi nuqtalar ma’lumotlarini
yaxlitlash. SVli protsessorlarda arifmetik amallar natijalari “kengaytirilgan so‘z”
yoki “so‘z” formatida taqdim etish uchun avtomatik ravishda yaxlitlanadi.
Standartga binoan yaxlitlashning quyidagi to‘rtta rejimi foydalaniladi:
− eng yaqin juft songacha;
− nol yo‘nalish bo‘yicha;
− “-∞” yo‘nalishi bo‘yicha;
− “+∞” yo‘nalishi bo‘yicha.
