Agar formadan dasturga yoki formaga bir qatorga sig’adigan ma’lumotni kiritish kerak bo’lsa, bir qatorli matn muharriri TEdit komponentidan foydalaniladi.
Berilgan dasturda bir qatorli matn muharriri yordamida extended yoki integer turidagi x,y,z o’zgaruvchilar kiritiladi.
Standart komponentlar menyusidan piktogrammasini tanlang va formaning kerakli joyiga sichqoncha ko’rsatkichini keltirib bosing. Formaga uchta TEdit komponentini qo’ying. Ularni sichqoncha bilan ushlab turib, oynalar o’lchami va joylashishini belgilang.
Dastur matnida uchta bir xil nomli Edit1, Edit2, Edit3 o’zgaruvchi paydo bo’ladi. Ularning har birida .Text kengaytmasi bilan belgilar qatori (String) bo’ladi va o’ziga mos Edit oynasida ko’rinib turadi.
Edit1.Text o’zgaruvchisida joylashgan x,y,z o’zgaruvchilarining sonli qiymatlari haqiqiy turda bo’lsa, x:=StrToFloat(Edit1.Text) standart funksiyasi ishlatiladi.
Agar boshlang’ich ma’lumotlar butun son bo’lsa (masalan integer), u holda x:=StrToInt(Edit1.Text) standart funksiyasi ishlatiladi.
Bunda sonlarni yozishda bo’sh joy (probel) bo’lmasligi kerak, haqiqiy sonlar vergul bilan yoziladi.
Obyektlar inspektori yordamida Edit qatorida (Font) belgilar o’lchami va shrifti tanlanadi.
|
