ANNOTATSIYA
Dastur 60310104 - Iqtisodiyot (tarmoqlar va sohalar bo‘yicha), 60410100 –
Buxgalteriya hisobi va audit (tarmoqlar bo‘yicha), 60410200 – Soliqlar va soliqqa
tortish, 60410500 - Bank ishi va audit ta’lim yo‘nalishlarining 2022/2023 o‘quv
yilida tasdiqlangan o‘quv rejasidagi asosiy fanlar asosida tuzilgan.
TUZUVChILAR:
F.B.Axrorov – TDIU SF – O‘quv ishlar bo‘yicha direktori o‘rinbosari, i.f.n.,
dotsent.
R.G‘aybullayev – “Buxgalteriya hisobi, soliq va moliya”
kafedrasi mudiri
pofessor.
O.Pardayeva – TDIU SF – “Oziq-ovqat va qishloq xo‘jalik iqtisodiyoti”
kafedrasi mudiri (PhD).
U.Ubaydullayev – “Raqamli iqtisodiyot va axborot texnologiyalari” kafedrasi
mudiri (PhD).
U.Xudoyarov – “Tabiiy, ijtimoiy fanlar va jismoniy madaniyat” kafedrasi
mudiri dotsenti.
TAQRIZChILAR:
Sh.T.Hasanov – Toshkent davlat agrar universiteti Samarqand filiali direktori,
i.f.d.
A.B.Taniyev
- TDIU Samarqand filiali Iqtisodiyot fakulteti dekani, dotsent.
Dastur Toshkent davlat iqtisodiyot universiteti Samarqand filialining 2023-yil
24-iyundagi № 11-sonli O‘quv-uslubiy kengashida muhokama qilingan va
tasdiqlangan.
KIRISH
Dastur 60310104 - Iqtisodiyot (tarmoqlar va sohalar bo‘yicha), 60410100 –
Buxgalteriya hisobi va audit (tarmoqlar bo‘yicha), 60410200 – Soliqlar va soliqqa tortish,
60410500 - Bank ishi va audit ta’lim yo‘nalishlari bo‘yicha ikkinchi va undan keyingi
ta’limga kiruvchilarning iqtisodiy bilimlar va axborot texnologiyalaridan foydalanishning
nazariy bilimlari hamda amaliy ko‘nikmalarini aniqlash va baholashga qaratilgan.
60310104
- Iqtisodiyot (tarmoqlar va sohalar bo‘yicha) - “Ijtimoiy fanlar,
jurnalistika va axborotga mansub fanlar” ta’lim sohasiga oid yo‘nalish bo‘lib, u turli mulk
shakllariga tegishli tarmoq, sohalarning xo‘jalik yurituvchi sub’ektlari, moliya, kredit va
sug‘urta muassasalari, davlat hamda mahalliy hokimiyat organlari,
akademik va tarmoq,
ilmiy tadqiqot tashkilotlari, maktabgacha, umumta’lim, o‘rta maxsus va oliy ta’lim
muassasalarning iqtisodiy, moliya,
marketing, ishlab chiqarish – iqtisodiy va tahlil
xizmatlarini o‘z ichiga oladi, tarmoqlar va korxonalarni rivojlantirishga,
istiqbolini
belgilashga, kasbiy ko‘nikmaga, mutasaddilik kobiliyatiga yo‘naltirilgan inson faoliyatining
vositalari, usullari, metodlari va uslublari bilan bog‘liq kompleks masalalar majmuasini
qamrab oladi.
60410100 – Buxgalteriya hisobi va audit (
tarmoqlar bo‘yicha) – iqtisodiy fanlar
sohasidagi yo‘nalish bo‘lib, u Davlat hokimyati va boshqaruv organlari, O‘zbekiston
Respublikasida ro‘yxatga olingan yuridik shaxslar faoliyatining barcha yo‘nalishlari,
iqtisodiy-huquqiy va tashkiliy asoslari, faoliyat tamoyillari, likvidliligi va to‘lov qobilyatini
ta’minlash bilan bog‘liq kompleks masalalar, xo‘jalik yurituvchi sub’yektlarda buxgalteriya
hisobi va audit faoliyatini tashkil etish bilan bog‘liq
faoliyati tamoyillari, usullari va
vositalari majmuini qamrab oladi.
60410200 - Soliqlar va soliqqa tortish bakalavriyat ta’lim yo‘nalishi - iqtisodiyot
va moliya sohasidagi ta’lim yo‘nalishi bo‘lib, u o‘z ichiga davlat soliq xizmati organlari
tizimida soliq ma’murchiligini tashkil etish, moliya
organlarida soliqni boshqarish,
rejalashtirish va prognoz qilish, turli mulkchilik shaklidagi korxona va tashkilotlarda, soliq
maslahati tashkilotlarida soliq maslahati xizmatlarini ko‘rsatish, ilmiy - tadqiqot muassaslari
va jamoat birlashmalari; davlat boshkaruv organlari; soliq madaniyatinig funksional
tizimlarini ishlab chiquvchi va targ‘ib
qiluvchi birlashmalar, jamg‘armalarning
faoliyat
ko‘lamini qamrab oladi.
6010500- Bank ishi va audit bakalavriyat ta’lim yo‘nalishi – tijorat banklari
faoliyatining barcha yo‘nalishlari, iqtisodiy-huquqiy va tashkiliy asoslari, faoliyat
tamoyillari, likvidliligi, barqarorligi va to‘lov qobilyatini ta’minlash usullari, banklarda
buxgalteriya hisobini tashkil qilish va yuritish, barcha bank operatsiyalarining buxgalteriya
hisobida aks ettirish, ichki nazoratning tashkil etilishi, bank faoliyati auditini tashkil qilish
va va o‘tkazish, moliyaviy hisobotlarni tuzish, moliyaviy hisobotlarni auditdan o‘tkazish,
auditorlik
xulosalarini tayyorlar, bank mijozlariga kompleks xizmat ko‘rsatish masalalar
majmuasini qamrab oladi.
60310104 - Iqtisodiyot (tarmoqlar va sohalar bo‘yicha),
60410100 – Buxgalteriya
hisobi va audit (tarmoqlar bo‘yicha),
60410200
– Soliqlar va soliqqa tortish, 60410500 - Bank
ishi va audit ta’lim yo‘nalishlari bo‘yicha ikkinchi va undan keyingi ta’limga kiruvchi
talabalar uchun ta’lim yo‘nalishlari o‘quv rejasiga asosan 4 ta asosiy fanlari bo‘yicha:
“Iqtisodiyotda axborot-kommunikatsion texnologiyalar va tizmlar”, “Iqtisodiy ta’limotlar
tarixi”, “Falsafa” va “Iqtisodiyot nazariyasi” fanlaridan test savollari shakllantirilgan. Bu
fanlar o‘z negizida qamrab olgan ma’lumotlar quyida batafsil keltirilgan.
